Óska vinum og vandamönnum gleðilegra jóla og farsældar á komandi ári. Vonadi verða jólin ykkur ánægjuleg og áfallalaus.Ég man þau jólin mild og góð
er mjallhvít jörð í ljóma stóð
stöfuð stjörnum bláum
frá himni háum
í fjarska kirkjuklukkna hljóð
Ég man þau jól hinn milda frið
á mínum jólakortum bið
að ævinlega eignist þið, eignist þið
heiða daga helgan jóla frið
Ég man þau jólin mild og góð
er mjallhvít jörð í ljóma stóð
stöfuð stjörnum bláum frá
himni háum í fjarska
kirkjuklukkna hljóð
Ég man þau jól hinn milda frið
á mínum jólakortum bið
að ævinlega eignist þið, eignist þið
heiða daga helgan jóla frið
Þegar ég var komin bls 66 í fréttablaðinu í dag rak ég augun í fyrirsögina "Bubbi kominn aftur á Rás 2". Sem áhugamanneskja um þá tónlist staldraði ég við og las. Nett sjokk greip um sig þegar ég las "....ég var settur út í kuldann eftir ummæli mín um Hannes Hólmstein....." Kræsturinn hugsaði ég. Varð svo "sniðug" í fyrra prófi mínu hjá Hannesi Hólmsteini að vitna í Þorláksmessutónleika Bubba þegar hann kom með prófdæmið um leikhússtjórnann sem var ánægður með að það væri uppselt næstu þrjá mánuði á sýningar hans - máli mínu til stuðnings vitnaði ég í Bubba vegna þess að hann hafði hækkað aðgangseyrinn í ár um 1000 kr síðan í fyrra vegna eftirspurnar. Jafnvel að það hafi ekki verið sterkur leikur í ljósi ummæla Bubba um Hannes. En þar sem að Hannes hefur ekki farið varlega í sínum ummælum um ákveðinn mann þá hlýtur hann að fyrirgefa mér þetta dæmi. Nú ef ég fell í þessu prófi þá veit ég (kannski) af hverju.
* Bókin sem gerir mann klárari en maður er.......
* Önnur dollan er að klárast af BESTA body lotioni í heimi frá Betu Arden - green tea/honey drops
* Sólarpúðrið úr Terracotta-línunni frá Guerlain er líka alveg að verða búið
* Egypsk sængurverasett er möst að eiga
Guess what? maður á aldrei nóg af handtöskum
* ljúfir tónar A & the Johnsons
* Nýja trivial spilið
* Nýja best of diskinn með snillingi Johnny Cash
Hope There Is Someone með Anthony & The Johnsons
Hlustaði á hluta viðtals við Ágúst Ólaf og Ástu Möller í Bítinu í morgun. Til umræðu var vændisfrumvarp sem fór mikinn hér fyrir rúmu ári síðan og ágætir feministar misstu sig hreinlega yfir. Er hægt að skrifa undir frumvarp sem refsar einungis öðrum aðilanum þegar báðir eru að fremja "lögbrot"? Ég geri mér fulla grein fyrir því að margar eru nauðugar í þessu en er ekki hægt að finna sér margt annað "smekklegra" að gera hér á Íslandi? Þess má geta að vændi er BARA bannað ef það er til framfærslu. Hreinlega ekki klár á því hversu margar stunda þetta hérlendis sér til yndisauka en sennilega má finna einhverjar........hvort sem þær fá pening eða eitthvað annað.....og sennilega einhverjar sem eru í þessu nauðugar, sem er miður. Nefndin sem fjallar um málið er klofin í afstöðu sinni og því spennandi að fylgjast með gangi mála. Ég nenni í raun ekki að skrifa um þetta vændismál meira þar sem ég fékk nánast upp í kok af þessari umræðu síðast og fannst mér oft mjög ómálefnanlegar umræður spretta upp sem gerðu þreytta, þreyttari. Ég styð ekki vændi en finnst þessi löggjöf gefa frekar falska glansmynd af því hvernig málin muni þróast verði hún að veruleika. En hvað veit maður......jafnvel að þetta blessist allt og allir verði sáttir, "Miðstéttamennirnir" sem skv Ástu Möller stunda þetta - hætta að kaupa sér þjónustuna vegna hættu við sekt ef frumvarpið verður að veruleika......... En hvað með auðmennina? Getur ekki verið að þeir stundi þetta líka sér til yndisauka? .......er ekki skíttin sekt bara dropi í hafði fyrir þá?
Ég má til með að deila gömlu sundlaugar-reglunum úr Grindavík með ykkur. Ég geri þetta bara af því að mig dreymir svo oft gömlu sundlaugina. Svo margar góðar minningar þaðan. Þegar maður sagðist vera fara í "leiksund" ekki "sundnámskeið". Það var toppurinn. Að fara í leiksund. Enginn sunkennari a la Pálmi á bakkanum að segja okkur að koma inn í klefa til að læra: beygja, kreppa, sundur, saman. Enda ískalt að sitja blaut á sundbol að læra undirstöðurnar í bringusundi. En nóg um það. Sundlaugin gamla stóð við grunnskólann, girt með háum dökkbrúnum spýtum og efst var auðvitað gaddavír til að koma í veg fyrir "trespassing" sem aldrei virkaði. Hún hefur verið svona 15x5 metrar. Tveir klefar voru í gangi og skiptust þeir á að vera karla og kvennaklefi vegna þess að annar var miklu, miklu stærri. Hinn var nefninlega staðsettur í viðbyggingu sem var byggð um leið og sundlaugin. Framan að var bara einn klefi sem var ætlaður míní-íþróttasalnum. Skil það ekki ennþá. 
Tvö lög sem ég mæli með í dag - þau eru bæði gömul og góð. 
Veit ekki með aðra, en þegar ég fer að verða óróleg vegna prófa sem framundan eru tekur sig upp sadómasó hegðun. Ég ét upp til agna á mér naglaböndin og bít svo hrikalega á mér varir og kinnar að mig hreinlega verkjar og svíður. Lausnin við því er að hætta í 5 eininga kúrs til að létta álagið. Virkar og sárin eru að gróa. Vil annars segja við þá sem eru ekki að fara í próf að ég öfunda þá ekki. Skemmtilegast í heimi er að vera í jólaprófum........fá svo spennufall þann 16.des og blanda eggjapúns a la Boggi. 
Tölvan hefur tekið fyrir msn notkun mína. Þrátt fyrir róttækar aðgerðir tekst mér með litlu móti að virkja það. Ég hef því sagt skilið við net-tjattið í bili. Þetta er líka ljótur ávani og eina sem það hefur gert fyrir mig er að ræna frá mér tíma sem á að fara í lærdóm. Ég þakka því tölvunni þann mikla greiða sem hún gerði mér með því að loka á MSN notkun mína. Tölvan fær líka sérstakar þakkir fyrir að koma mér hjá því að leita mér aðstoðar á meðferðarstofnun við þessari hrikalegu fíkn sem fylgir msn. Næst vona ég bara að bloggið fari að neita mér um aðgang. Þá hef ég ekkert betra að gera en að lesa fyrir prófin sem senn nálgast. 
Alltaf að komast að því hve óþroskaður tónlistasmekkurinn er. Ætlaði mér á Airwaves en ekkert varð úr því þetta árið.......ekki frekar en þátttaka mín á IceMUN. Í partýi á föstudaginn heyrði ég í fyrsta skipti hvaða lög Depeche Mode eiga og þeir eru bara helvíti góðir. Það liggur við að ég skammist mín þegar ég tjái ykkur það að í gær uppgötvaði ég The Smiths......hafði heyrt þessi helstu en vissi aldrei almennilega hverjir voru þarna á ferðinni. Þetta er því allt að koma og Kristín að þroskast. Ætla að byrja að fara á tónleika.......á næsta ári.
Gærdagurinn var einstaklega góður dagur. Eftir að vera búin að sitja yfir ritgerðasmíð um morguninn fór ég í rannsóknatíma. Þeir eru reyndar ekkert þeir skemmtilegustu en hvað um það. Íslenska leiðin kom úr prenti loksins og gátum við nú montað okkur almennilega með því að klína blaðinu upp í alla á svæðinu. Eftir tímann ákváðum við Sigrún, Hilmar og Þórir að skella okkur á stúdentakjallarann í kaffi. Enduðum í pizzu og smá bjór. Ekki stóð til að fá sér bjór fyrr en eftir að Kristín fékk skemmtilegt símtal. Þannig er að Sigrún á alveg eins síma og ég ÁTTI, nokia 6110i. Ég er eitthvað að pæla í símanum okkar og segji að ég geti ekki náð í nýja hringitóna í hvíta "flipp" símann. Segji svo að ég vildi óska að ég hefði ekki hent kassanum undan gamla símanum því þá hefði ég getað látið rekja símann. (fyrir þá sem ekki fylgja þá týndi ég símanum í september) ÁN GRÍNS, þá hringir síminn svona mínútu síðar og á hinni línunni er starfsmaður Ogvodafone að segja mér að síminn minn sé fundinn. Ótrúlega varð ég sátt en á sama tíma ótrúlega pirruð út í helvítis rútubílstjórann sem drullaðist ekki til að skila símanum mínum fyrr en tveimur mánuðum síðar!! 
Í miðbæjarferð minni á föstudaginn kom ég við hjá skósmið. Heiða vinkona hafði bent mér á "skóara" í Garðastræti. Mjóg fljótlega rakst ég á kjallarann sem hann er staðsettur eftir að hafa kíkt inn í fatabúð Hjálpræðishersins. Litla "verkstæðið" hans var mjög notalegt og skósmiðurinn með eindæmum almennilegur. Stígvélin ætlaði hann að laga á örskammri stundu og bauð mér að bíða. Á meðan ég bíð kemur gömul kona inn. Ég bíð eftir augnkontakti til að geta boðið góðan daginn. Hún lítur ekki á mig og bíður eftir afgreiðslu eins og henni væri mikið í mun að láta laga skó eða sækja skó. Eftir augnablik kemur aðstoðamaður skósmiðsins fram og spyr þá gömlu hvor hann gæti aðstoðað hana. Þá segir sú gamla: "Langaði bara að sýna ykkur hvernig ég notaði reimarnar sem ég keypti hjá ykkur um daginn. manstu þessar sem voru flatar og gráar!!" á sama tíma grípur hún um reimar sem hún hafði fest á gráa ullar-mokka-húfu. að lokum segir hún, "ég gerði þetta til þess að húfan myndi ekki fjúka af mér í rokinu." Eftir þetta snýr sú gamla sér við og labbar út. Við aðstoðarmaðurinn litum hvort á annað og gátum ekki annað en brosað.......og gott betur en það.
Manni er ekki farið að standa á sama um þennan yfirvofandi heimsfaraldur sem blasir við ef núverandi fuglaflensu veira nær að stökkbreyta sér. Þessa frétt er að finna á mbl.is í dag: 
það besta við veturinn eru ekki bara jólin sem framundan eru heldur fylgja Norðurljósin líka vetrinum, það magnaða er að í öllu neikvæðu má finna eitthvað jákvætt. í skammdeginu, því svartasta, finnur maður jólaljósin.......OG Norðurljósin. labbaði heim áðan af Stúdentakjallaranum og norðurljósin voru massív. Mikið væri ég til í að geta keypt mér eitt stykki Norðurljós og skellt í í loftið þegar ég fer að sofa.
Hagstjórnardagurinn var í gær. Hagfræðin á móti stjórnmálafræðinni í hinum ýmsu greinum. tvær nýjungar litu dagsins ljós. Fótbolti kvenna og skák. Mjög strembið var að ná í fótboltalið okkar stúlkna og leit út fyrir að við þyrftum að gefa leikinn til hagfræðinnar. Að lokum tókst okkur þó að ná í lið og unnum hagfræðistúlkur 12-0. Harðsperrur hafa einkennt daginn ásamt "nettum" timburmanni. Vísindaferð í aðalbankann ásamt hagfræðinni var skemmtileg enda veitir Landsbankinn alltaf vel. Eftir fyrirlestur um ágæti bankans, bjór og snittur fórum við á Gaukinn þar sem við tók ennþá meiri bjór, skákkeppni, bjórþamb, sjómann, spurningakeppni og annað skemmtilegt. Því miður töpuðum við Hólmsteininum í ár - og í raun Hagfræðin líka, því einhver stal verðlaunagripnum sjálfum. Gerðist líka í fyrra. - Húmor.
Elskuleg Bríet mín sendi mér þessa snilld yfir msn áðan:
Ég vissi að ég ætti eina alnöfnu á Íslandi, Kristínu Maríu Birgisdóttur II. eða reyndar I, hún kom víst á undan. Aldrei bjóst ég samt við því að fá alltaf endrum og sinnum póstinn hennar inn um mína lúgu þar sem búið væri að krassa yfir Borgarfjarðarsveit og merkja "Eggertsgata 20 íbúð 004" EN jú, viti menn.........fór vandræðaleg um daginn að Eggertsgötu 10, því það hafði í raun verið krassað yfir Eggertsgötu 10 og sett í staðinn "rétt heimilisfang Eggertsgata 20 íbúð 004" umslagið var ekkert merkt neinu sérstöku fyrir utan nafnið, stóð ekkert "Ríkisskattstjóri" eða neitt álíka þannig að ég reif bara upp umslagið. Nei nei, þá var þetta alls ekkert til mín því ég kannast ekki við að eiga barn á leikskóla. Ég fer því með póstinn að Eggertsgötu 10 og athuga hvort að nafna mín búi ekki þar. Jújú, passar. Ég finn hólfið hennar en ákveð samt að hringja hjá henni til að láta hana vita af hverju eitt umslagið í hólfinu sé opið. En hún svarar ekki. Ég ákvað því að láta þetta vera þarna og hugsaði með mér að hún myndi sennilegast átta sig á ástæðunni fyrir því að ég opnaði umslagið. Svo í gær kom til mín stórt brúnt umslag með fullt af öðrum umslögum, framan á þessu brúna stóð "Adresse compléte du destinataire: Eggertsgata 20 íbúð 004" og inni í þessu blessaða brúna umslagi er póstur til Kristínar Maríu Birgisdóttur sem bjó einu sinni í Borgarfjarðarsveit. Held að pósturinn þurfi að átta sig á því að það eru tvær með þessu nafni á Íslandi og þær búa EKKI í sömu íbúð þó svo að þær séu Eggertsgötubúar. - Vona bara að hún skili mér mínum pósti ef hann villist af leið. Læt þá bara Bogga um að tékka á því, þau er víst félagar í sálfræðinni. Komst að því þegar Boggi hélt í alvörunni að ég hefði ákveðið að skrá mig í vísindaferð hjá sálfræðinni. Right.
já, keypti mér fjórar bækur. Hvernig getur Ísland orðið ríkasta land í heimi - eftir Hannes Hólmstein. Búin með fyrsta kaflann, lofar góðu - finnst eins og ég hafi lesið þetta allt áður. Fór svo með inneingarnótuna úr Pennanum sem Gutti át næstum og ég sat lengi og límdi saman - konurnar í Pennanum sprungu út hlátri þegar þær sáu hana, svona smekklega límda og ég gat ekki annað en hlegið með þeim. Sem betur fer náði hundurinn ekki að éta mikilvægustu upplýsingarnar, s.s. eins og upphæð, mitt nafn og það að þetta var nóta frá Pennanum. Bækurnar sem ég tók mér í dag voru Forsætisráðherrar Íslands, Furstinn eftir ítalska gúrúið Niccoló Machiavelli, sem kennir manni ýmiss óþokkabrögð og Frelsið eftir J.S. Mill, hún á víst að kenna manni að beita skynsemdarrökum í siðferðisefnum. Ég er sannfærð um að eftir lestur þessara bóka mun líf mitt verða betra. Þegar ég opnaði bókina um forsætisráðherrana snéri allt öfugt, jú, hún prentaðist öfugt inn í kápuna. Heppin. 
Það er svo skemmtilegt við stjórnmálafræðina að alþjóðakerfið tekur alltaf sífelldum breytingum og bókin sem ég hafði í fyrra er úreld í ár. Nýjustu fréttir af ESB er að Tyrkir hafa LOKSINS komist á eitthvað skrið með aðildarviðræður en þær munu engu að síður taka nokkur ár. En það skemmtilega er að þær eru líka hafnar við Króatíu. Á meðan það gerist ræðum við ástæður fyrir því hvers vegna Ísland og Noregur hafa ekki ENN gengið inn og hver staða smáríkjanna er í þessum mikla samruna sem er að eiga sér stað. 
Málþingið sem ég sótti á föstudaginn var áhugavert. Hafði gaman að - þó svo að ég hefði setið í 3 klst þá glósaði ég eins og vindurinn og er stefnan sett á pistlabakstur með hráefnið. Meira um það síðar. Sóttum afmæli í gær en Emilía Sjöfn átti 24 ára afmæli föstudaginn 30.september. Til lykke elskan. Eftir það fórum við Bríet á tvo ágætist skemmtistaði og rak ég augun í athyglisverða hluti enda ekkert áfengi við hönd þetta kvöldið. Verð að segja að Vegamót og Ólíver eru bara alveg ágætir.....En Ólíver þarf hins vegar að læra það af Vegamótum að það þarf pláss til að geta unnið þarna sem dyravörður. Mæli með því að þeir stækki "free space" með keðjum og kenni íslensku skemmtanaþyrstu fólki að mynda venjulega biðröð - klárlega er fólk í glasi ekki að ná því að standa í biðröð fyrir utan Ólíver - Jú staðurinn er ungur og þeir þurfa að fara að draga lærdóm af skipulaginu annars staðar. Hins vegar þegar komið er inn á Ólíver þá skýtur hann Vegmótum ref fyrir rass hvað varðar hönnun og skipulag - óþolandi að ganga inn á Vegamót og beint inn a dansgólfið. Hann er eitthvað svo ópraktískur í hönnun.
MÁLÞING
Alnæmi ásamt krabbameini virðast vera þeir sjúkdómar sem læknavísindin eru ráðþrota yfir. Árlega deyja þúsundir í heiminum úr krabbameini og alnæmi og mætti skipta þessu niður á þróuð lönd og vanþróuð. Mikil krabbameinstíðni er á vesturlöndunum og í Afríku deyr fjöldinn allur úr alnæmi, þó svo að tilfellin séu vitaskuld í báðum þessum heimshornum. En rannsóknir hafa sýnt að HIV veiran sem veldur jafnan alnæmi, er að veikjast. Þegar borin voru saman sýni síðan 1986-89 annars vegar og svo frá 2002-3 kom í ljós að veiran hefur veikst. Þrátt fyrir þetta ætla vísindamenn að sjálfsögðu ekki að draga úr tilraunum sínum til þess að finna lækningu við þessari skæðu veiru og telja þeir að hugsanlega eftir 50-60 ár mun vírusinn ekki lengur reynast banvænn.
í mínum bekk í grunnskóla vorum við þrjú örvhent, ég, Erla Ósk og Pálmar. Merkilegt er að örvhentir eru ekki einungis í mörgum tilfellum með heilastöðvar á skjön við rétthenta heldur eru örvhentar konur líka tvisvar sinnum líklegri til þess að fá brjóstakrabbamein skv Fréttablaðinu í dag. Ástæðan ku vera sú að örvhentir eru víst undir meiri áhrifum af kynhormónum í móðurvkviði heldur en þeir rétthentu. Þessi rannsókn sem gerð var er hollensk og voru 12.000 hollenskar konur þátttakendur. Þetta draga þó breskir vísindamenn í efa og segja okkur örvhentar ekki þurfa að örvænta, lítið sé vitað um orsök brjóstakrabbameins. Og óskylt þeim bresku þá er víst hægt sé að koma í veg fyrir þetta með því að hætta að drekka áfengi, borða BARA hollan mat og hreyfa sig á hverjum degi......eða allt að því. Er það ekki eins og með flest? Þessi þrenna er víst allra meina bót.
