MÁLÞINGFélagsfræðingafélag Íslands og meistaranámið í blaða- og fréttamennsku við Háskóla Íslands bjóða til málþings um opinbera stefnu í fjölmiðlamálum föstudaginn 30. september í stofu 101 í Odda v/Suðurgötu milli kl. 12.00 - 15.00.
Fljótlega eftir að skýrsla nefndar menntamálaráðherra um íslenska fjölmiðla var gefin út fyrr á þessu ári lognaðist umræðan um stefnu í fjölmiðlamálum, efni skýrslunnar og tillögur nefndarinnar út af. Málþingið er hugsað sem umræðuvettvangur fyrir fjölmiðlafólk, fræðimenn, nemendur og allan almenning sem hafa áhuga á íslenskum fjölmiðlum. Málþingið er öllum opið og er aðgangur ókeypis.
Á málþinginu verða flutt fimm erindi og að þeim loknum verða pallborðsumræður þar sem fjölmiðlafólk situr fyrir svörum.
DAGSKRÁ:
Herdís Þorgeirsdóttir, lagaprófessor við viðskiptaháskólann á Bifröst flytur opnunarávarp
Ragnar Karlsson, fjölmiðlafræðingur og sérfræðingur á Hagstofu Íslands: Ys og þys út af engu? Skiptir eignarhald fjölmiðla máli?
Elfa Ýr Gylfadóttir, fjölmiðlafræðingur: Flutningsréttur og flutningsskylda. Er það mál yfirvalda hverjir fá að horfa á enska boltann?
Guðbjörg Hildur Kolbeins, fjölmiðlafræðingur: Eru áhrif fjölmiðla ofmetin?
Björg Eva Erlendsdóttir, formaður Félags fréttamanna: Óviss framtíð Ríkisútvarpsins
Þorbjörn Broddason, prófessor er fundarstjóri
Í pallborði verða Brynhildur Ólafsdóttir, Jón Ásgeir Sigurðsson, Karl Blöndal og Ólafur Teitur Guðnason. Pallborði stýrir Helgi Gunnlaugsson, prófessor.
2 ummæli:
Líst svo vel á allar þessar konur :) og kalla.
Guðbjörg kennir mér í námskeiðinu klám og ofbeldi í myndmiðlum og hún er bara skondin.
Annars er þetta feikna áhugavert! Ætlaru að fara??
já ég ætla að fara - Guðbjörg kennir mér líka í fjölmiðlafræði:notendur og áhrif. kemuru með elskan mín?
Skrifa ummæli