Spennandi -

MÁLÞING

Félagsfræðingafélag Íslands og meistaranámið í blaða- og fréttamennsku við Háskóla Íslands bjóða til málþings um opinbera stefnu í fjölmiðlamálum föstudaginn 30. september í stofu 101 í Odda v/Suðurgötu milli kl. 12.00 - 15.00.

Fljótlega eftir að skýrsla nefndar menntamálaráðherra um íslenska fjölmiðla var gefin út fyrr á þessu ári lognaðist umræðan um stefnu í fjölmiðlamálum, efni skýrslunnar og tillögur nefndarinnar út af. Málþingið er hugsað sem umræðuvettvangur fyrir fjölmiðlafólk, fræðimenn, nemendur og allan almenning sem hafa áhuga á íslenskum fjölmiðlum. Málþingið er öllum opið og er aðgangur ókeypis.

Á málþinginu verða flutt fimm erindi og að þeim loknum verða pallborðsumræður þar sem fjölmiðlafólk situr fyrir svörum.

DAGSKRÁ:

Herdís Þorgeirsdóttir, lagaprófessor við viðskiptaháskólann á Bifröst flytur opnunarávarp

Ragnar Karlsson, fjölmiðlafræðingur og sérfræðingur á Hagstofu Íslands: Ys og þys út af engu? Skiptir eignarhald fjölmiðla máli?

Elfa Ýr Gylfadóttir, fjölmiðlafræðingur: Flutningsréttur og flutningsskylda. Er það mál yfirvalda hverjir fá að horfa á enska boltann?

Guðbjörg Hildur Kolbeins, fjölmiðlafræðingur: Eru áhrif fjölmiðla ofmetin?

Björg Eva Erlendsdóttir, formaður Félags fréttamanna: Óviss framtíð Ríkisútvarpsins

Þorbjörn Broddason, prófessor er fundarstjóri

Í pallborði verða Brynhildur Ólafsdóttir, Jón Ásgeir Sigurðsson, Karl Blöndal og Ólafur Teitur Guðnason. Pallborði stýrir Helgi Gunnlaugsson, prófessor.

Mun alnæmi lækna sig sjalft?

Alnæmi ásamt krabbameini virðast vera þeir sjúkdómar sem læknavísindin eru ráðþrota yfir. Árlega deyja þúsundir í heiminum úr krabbameini og alnæmi og mætti skipta þessu niður á þróuð lönd og vanþróuð. Mikil krabbameinstíðni er á vesturlöndunum og í Afríku deyr fjöldinn allur úr alnæmi, þó svo að tilfellin séu vitaskuld í báðum þessum heimshornum. En rannsóknir hafa sýnt að HIV veiran sem veldur jafnan alnæmi, er að veikjast. Þegar borin voru saman sýni síðan 1986-89 annars vegar og svo frá 2002-3 kom í ljós að veiran hefur veikst. Þrátt fyrir þetta ætla vísindamenn að sjálfsögðu ekki að draga úr tilraunum sínum til þess að finna lækningu við þessari skæðu veiru og telja þeir að hugsanlega eftir 50-60 ár mun vírusinn ekki lengur reynast banvænn.

Tilviljun?

Year 1981

1. Prince Charles got married

2. Liverpool crowned soccer Champions of Europe

3. Pope Died.

Year 2005

1. Prince Charles got married (again)

2. Liverpool crowned soccer Champions of Europe

3. Pope Died

In future, if Prince Charles decides to re-marry or Liverpool needs
another European crown ... WILL SOMEONE PLEASE WARN THE POPE !!

- fékk þetta sent frá Siggu Dögg, frekar fyndið

að vera örvhent

í mínum bekk í grunnskóla vorum við þrjú örvhent, ég, Erla Ósk og Pálmar. Merkilegt er að örvhentir eru ekki einungis í mörgum tilfellum með heilastöðvar á skjön við rétthenta heldur eru örvhentar konur líka tvisvar sinnum líklegri til þess að fá brjóstakrabbamein skv Fréttablaðinu í dag. Ástæðan ku vera sú að örvhentir eru víst undir meiri áhrifum af kynhormónum í móðurvkviði heldur en þeir rétthentu. Þessi rannsókn sem gerð var er hollensk og voru 12.000 hollenskar konur þátttakendur. Þetta draga þó breskir vísindamenn í efa og segja okkur örvhentar ekki þurfa að örvænta, lítið sé vitað um orsök brjóstakrabbameins. Og óskylt þeim bresku þá er víst hægt sé að koma í veg fyrir þetta með því að hætta að drekka áfengi, borða BARA hollan mat og hreyfa sig á hverjum degi......eða allt að því. Er það ekki eins og með flest? Þessi þrenna er víst allra meina bót.

Mogginn stikkfri skv Doddsyni

Ég tók eftir í því þegar ég horfði á fréttirnar í gær að Baugsmálið tók næstum hálfan fréttatímann. Það er kannski ekki skrýtið þar sem að allt of mikið virðist vera að koma fram í dagsljósið varðandi þetta mál. Almenningur hefur ekki undan að lesa sig til um allar þær "lygar" og "rógburð" sem að fréttamenn virðast vera að henda fram í útvarpi, sjónvarpi og blöðum. Merkilegt finnst mér að Davíð Oddsson skuli segja í útvarpsviðtali að fjölmiðlar hafi látið misnota sig. Hann segir þá ótrúverðuga, þeir "steli" persónulegum gögnum og að lokum gat hann sagt að Morgunblaðið hefði EKKI farið illa með sig í þessu máli. Ég spyr nú bara sjálf: Er miðill trúanlegur þegar ritstjóri blaðsins liggur eins og hæna á eggi á eins mikilvægum upplýsingum eins og virðist hafa komið í ljós í þetta langan tíma? Er Styrmir bara gúddígæ? Ég hreinlega spyr.

House & grannar

....datt inn í þættina HOUSE - eiga víst að vera einhver snilld. Kannaðist svo við einn leikarann....órtúlega myndarlegur eins og myndin sýnir. Ég fór nátta inn á síðu House og sá að þessi piltur heitir Jessie Spencer og vitiði hvaðan maður þekkir hann? úr Nágrönnum - hann lék Billy hér í dentíð og er það víst nickkið hans in real life. Merkilegt.

- eins og sést hefur drengurinn bara fríkkað.

karamellu Haagen Dazs takk!

nei - ekki alveg hættissu - fór yfir gærkvelið í höfðinu sem var bara frekar gott. útihlaup reddaði svo heilsunni og til að toppa daginn í dag ákvað ég að koma við í 10-11 og láta eftir mér box af Haagen dazs ís - boxið er 1/2 lítri og kostar litar 789 krónur - það misheppnaðist að toppa daginn. Haagen dazs er nebbla alls ekki eins góður með jarðaberjabragði eins og karamelluísinn. Hann er bara vondur.
Annars eru Valsmenn Bikarmeistarar eftir frekar leiðinlegan leik og Pravda og Hressó fá verðlaun fyrir að vera drepleiðinlegir skemmtistaðir.

komið gott? eða nog komið?

baratóm - ætti kannski að fara að hætta þessu. Mér er farið að finnast bloggin súr. Fór inn á bloggið hans Guffa í gær og bað hann um að hætta ekki. Guffi er svo góður penni. En til hvers er maður að þessu? Mamma kvartaði í morgun yfir því að hún væri orðin þreytt á N-Kóreu. Ég veit a.m.k að hún er að lesa. Annars koma svona tómir dagar, þar sem ég nenni ekki einu sinni að segja hvað ég fékk mér í morgunmat eða klukkan hvað ég vakanði, eða hver sendi mér sms og hringdi. Hvejum langar til þess að vita það? en ef að ég tæki upp á því að segja frá öllu því svæsna sem gerist í mínu lífi að þá myndu allir lesa - ekki satt? Lætin í íbúðinni fyrir ofan mig þegar þau eru að gera það vegna þess að það brakar svo í rúminu etc. fólk hefði gaman að því. þeir sem ég þekki eru hættir þessu, hafa ekki nettissu - ég hef svo sem nóg annað að gera.

ég ætla allavegana í vísó á fös. og jafnvel á bikarleik á lau. vill einhver koma með?

Sko N-Koreu!

Einu sinni sagði Charles nokkur Glaser að meiri líkur væru á því að kjarnorkustríð myndi hefjast þegar samskipti ríkja myndu versna, og allir væru á núlli og ættu ekkert, en þegar allir ættu kjarnavopn. Hann segir þetta lógískt. Hann sagði afvopnun auka líkur á kjarnorkustríði fyrir mistök ef að endurvígvæðing myndi aftur eiga sér stað. Afvopnun leysir að hans mati ekki vandamálin sem uppi eru í alþjóðakerfinu. Samskiptin eru svo góð að afvopnun eykur ekki öryggið heldur býr til ákveðna hættu sem er ekki til staðar í dag. - þetta kom fram í kennslu hjá Alberti Jónssyni í vetur í áfanganum Öryggi og samvinna í alþjóðakerfinu. Skemmtilegur áfangi og ýmislegt merkilegt sem þar kom fram eins og gefur að skilja á ofangreinu dæmi.

Er annars ekki jákvætt að Norður Kórea sé búin að gefa loforð fyrir því að hætta við kjarnorkuvopnaáætlun sína? Á móti kemur reyndar að Bandaríkjamenn og Japan leggji af allar áætlanir sínar um að ráðast inn í N-Kóreu. Menn hafa þó allan varann á ennþá í ljósi þess að N-Kóreumenn hafa áður svikið gefin loforð um kjarnorkumál. Þau lönd sem stóðu að þessum samningi sem gerður var fyrir N-Kóreu heita efnahagsaðstoð en efnahagur þar á bæ er hrikalegur og þúsundir svelta í hel, börn eru vannærð en stjórnvöldum virðist standa á sama. Þau lönd sem heita því að leggja til fjárhagsaðstoð eru BNA, Rússland, Kína, Japan og S-Kórea.

Jafnvel eru stjórnvöld að átta sig á ástandinu núna og vilja fá fjárhagsaðstoð. Árið 2002 sögðu N-kóreumenn sig frá samningi alþjóðakjarnorkumálastofnunarinnar er varðaði bann við útbreiðslu kjarnavopna. Á móti kemur að þeir vilja að BNA haldi sig alveg frá þeim og reyni ekki að koma inn í landið og virði fullveldi þeirra. Smíðun kjarnavopna hafi aðallega verið ástæða fyrir þeirri ógn segja þeir. Ánægjulegt ekki satt? Bandaríkin virðast greinilega vera ógnvaldar enda stórveldi heimsins.

Veit ekki með aðra en mér þykir þessar fréttir mikil tíðindi. Það hefur alltaf verið rökstuddur grunur að N-Kórea eigi eldflaugar og kjarnavopn. N-Kórea er mjög fátækt ríki þó svo að þeir eigi kjarnavopn. Þeir voru með allt sem þurfti til þess að frameliða kjarnavopn: Ver til þess að framleiðaplútóníum og ýmsan búnað til að nota það til þess að búa til vopn. Þetta var svo alvarlegt mál að á timum Clinton-stjórnarnnar íhugaði Clinton í alvöru að gera árás á N-Kóreu. En það var komið í veg fyrir það á sínum tíma, 1994, þegar stjórnvöld í N-Kóreu samþykktu að loka kjarnorkuverum sínum.

Merkilegt þykir mér að N-kórea viðurkenndi á sínum tíma að eiga kjarnorkuvopn, og að þeir væru búnir að vera með prógramm lengi í gangi varðandi þau mál. BNA og Bretar voru á þeim tíma að safna liði gegn Saddam Hussein og þá hafa Kóreumenn líklega hugsað sem svo að þeir hlytu að vera næstir. Munurinn var engu að síður sá að þeir sögðust hreinlega eiga vopnin til þess að fæla Breta og Bandaríkjamenn frá því að gera á þá árás. - Merkilegt.

Róm var það heillin

Tékkaði út hvaða borg væri svona "ég". Niðurstaðan var skemmtileg enda mín alltaf á leiðinni í smá skranz til elskulegrar ítalíu. Amo l'Italia e mi manca tanto, il più bel paese ne mondo!!!

You Belong in Rome You're a big city girl with a small town heart Which is why you're attracted to the romance of Rome Strolling down picture perfect streets, cappuccino in hand And gorgeous Italian men - could life get any better? What City Do You Belong in? Take This Quiz :-) Find the Love of Your Life (and More Love Quizzes) at Your New Romance.

Skemmtilegt -

Grindavík - Keflavík

Grindjánaliðið í fótboltanum hefur ekki riðið feitum hesti í sumar. So far eru þeir eina liðið sem aldrei hefur fallið úr úrvalsdeild en þess má geta að liðið hefur ekki verið þar nema í um 10 ár. Þeir voru ófáir leikirnir sem maður sótti hér um árin þegar liðið var að spila upp á líf og dauða og á ótrúlegan hátt tókst þeim alltaf að halda sér uppi. Eintóm gleði ríkti þá á lokahófum þau kvöldin og vonar maður svo sannarlega að þeir taki Keflvíkingana í dag. Jú, þetta er heimaleikur og þegar þeir hafa verið að kljást við falldrauginn hefur heimavöllurinn haft sitt að segja. Nú ef það ekki tekst þá treysti ég á SSSól til þess að blása svekkelsið úr fólki á best sóttu samkomu hér í bæ fyrr og síðar.

Góða skemmtun.

astin er væmin - true

Fékk á sínum tíma bók gefins - Spámaðurinn - eftir Kahlil Gibran. Skemmtileg bók og fallegar lýsingar. Mitt uppáhald í þessari bók er þegar kona nokkur spyr spámanninn hvað ást sé. Snillingurinn lítur upp, djúp þögn grípur um sig og hann segir:

Þegar ástin kallar á þig, þá fylgdu henni, þótt vegir hennar séu brattir og hálir. Og láttu eftir henni þegar vængir hennar umvefja þig þótt sverðið, sem falið er í fjöðrum þeirra geti sært þig. Og þegar hún talar til þín, þá trúðu á hana, þótt rödd hennar kunni að eyða draumum þínum, eins og norðanvindur sem leggur garð þinn í auðn.

Því eins og ástin krýnir þig, eins mun hún krossfesta þig. Eins og hún teygir arma sína upp í trjákrónuna og gælir við mýkstu laufin, sem titra í sólskininu, eins mun hún seilast niður að rótum og losa um þau bönd sem binda þær jörðinni.

Hún safnar þér til sín eins og kornbundinum,hún þreskir þig, þar til þú verður nakin. Sún sáldar þig frá hísmi þínu. Hún malar þig hvíta. Hún hrærir þig, uns þú verður auðmjúk. Og síðan leggur hún þig á helgan eld og gerir þig að brauði hinnar helgu kvöldmáltíðar.

Allt þetta mun ástin gera við þig, til þess að þú megir þekkja leyndardóma hjarta þíns og þannig verða brot af hjarta lífsins. En ef þú vegna ótta þíns, leitar aðeins að fróun og nautnum ástarinnar, þá er þér betra að hylja nekt þína og hverfa úr kornmylnum ástarinnar inn í veröld, sem á sér hvorki vor né haust, þar sem hlátur þinn er holur og tár þín ógrátin.

ástin gefur ekkert nema sjálfa sig og þiggur ekkert nema sjálfa sig. Ástin á engar eignir og verður aldrei eign, því ástin á sig sjálf og er sjálfri sér nóg.

Og þú mátt ekki halda að þú getir ráðið for ástarinnar, því ástin, ef þú ert hennar verð, stjórnar för þinni. Ástin þráir aðeins að fullkomna sjálfa sig. Ef þú elskar og þráir, þessar séu þá þrár þínar:
- að bráðna og renna fram eins og lækur, sem singur nóttinni ljóð sitt.
- að þekkja sorg hinnar mestu sælu.
-að bera und í hjarta, vegna þess að þú þekkir ástina. og að blæða frjáls og full af innri gleði.
- að vakna að morgni dags með vængjað hjarta og fagna nýjum degi ástarinnar.
- að snúa heim að kvöldi með þakklátum huga og sofna með fyrirbæn í hjarta og lofsöng á vörum.

Já þetta er fallegt. Hver vill ekki upplifa svona? Sennilegast mikið til í þessu. Þakka Írisi, Kidda og Elmu Rún fyrir bókina þegar Kristín lagði af stað til ítalíu í sex mánuði.

Klukkuð

já - Boggi klukkaði mig. Þetta er skv honum nýjasta nýtt í blogginu. Þegar maður er klukkaður þá á maður að segja frá 5 useless hlutum varðandi sjálfan sig. Hér kemur þetta:

1. uppáhaldsliturinn minn er grænn.
2. ég er örvhent.
3. hef ekki ennþá fengið hlaupabóluna.
4. ógeðslegast matur sem ég veit um eru hrogn og lifur.
5 ára tókst mér að fá tvö göt á hausinn í einu þegar ég sýndi loftfimleikat og endaði með hausinn á ofninum þegar ég hoppaði í kollhnís úr gluggakistunni.

ég ætla að klukka: Bryndisi - Guðfinnu - Erlu Ósk - Sunnu Dís - Jón Pál

verði ykkur að góðu!

Stræto

Farin að prufa strætó. Finnst það pínu gaman, er svona eins og sveitamaðurinn í borginni. Fyrst voru ferðirnar mínar frekar misheppnaðar, missti af þeim og eintóm leiðindi. Svo fór ég á bus.is og þar reiknar tölvan bara ferðina og gefur nákvæmar leiðbeiningar. ótrúlegt. Var að spá í að kaupa mér rautt kort - gerði ráð fyrir því að það kostaði svona 3000 kall, fannst það fair. Nei, kostar slíkt þá ekki heilar 10.000 kr!! Þá skildi ég hvers vegna strætó er alltaf tómur.

Afmæli og luxus hafragrautur

Vil byrja á því að tileinka færlsunni bróður mínum, honum Sigurði. Hann á afmæli í dag 14.september, fyrst af öllu er hann merkilegur fyrir þær sakir að hann kom í heiminn fyrir 28 árum, en einnig vegna þess að Morten í AHA leit líka dagsins ljós þó sennilega þónokkuð mörgum árum áður. Þótti ekki leiðinlegt hérna í dentíð að eiga sama afmælisdag og hann. Annars vona ég að kauði muni eiga góðan dag og fái fullt af pökkum. Sem stendur er ég að reyna að hringja í hann en auðvitað er á tali og fólk keppist við að bjalla í gæjann - sennilegast að tékka á því hvað hann vilji fá í afmælisgjöf.

Annars er heilsuátakið byrjað enn einu sinni enn - í c.a. 150. sinn! EN..... betra að byrja oft en aldrei :)
Fyrir þá sem eru í vandræðum með að finna sér eitthvað hollt og gott að borða að morgni dags er hér smá uppskrift. Algjörlega idiot-proofed. Þetta er mjög gott og kemur á óvart.

1 og 1/2 bolli haframjöl (og svo vatn þannig að það nái rétt yfir mjölið).
1 stk lítið grænt epli
1 tsk kanill (ekki sykurinn)
1/2 bolli kókoshnetumjólk (tælensk í niðursuðudós)

Hitið haframjölið og vatnið saman í c.a. 3 mín (ekki við mikinn hita). Skerið eplin í bita, takið hýðið af þeim. Þegar grauturinn er farinn að hitna þá skellið eplunum út í og hrærið saman. Blandið saman kókósmjólkinni og kanil og hellið út í þegar grauturinn er orðinn þykkur og hrærið saman. Hitið áfram í c.a. mínútu. TILBÚIÐ!

Þessi uppskrift var í boði tilraunaeldhúss Kristínar.

Note bene: Uppskriftin er gefin með það í huga að fólk kunni ekki að gera hafragraut......já, ég veit, það er nauðsynlegt þar sem að þarna úti fyrirfinnast einstaklingar sem hvorki kunna að sjóða egg né kartöflur!

Annars

Nyr simi, nyr kurs og goð helgi að baki

jæja gullin mín - stúlka komin með nýjan síma og þakkaði sínu sæla að hafa gert "back-up" á símaskránni þegar númerin voru að nálgast 200 á sínum tíma. Nýja elskan er hinn fínasti nema að ég var ekki sátt við kommentið hans Adda á lau......"já,svo þú ert komin með svona dömubindasíma". Æi þið vitið - einhver segir eitthvað um einhvern eða eitthvað og það svona festist við hann eða það.
Helgin var massive og tekið á djamminu bæði fös og lau. Byrjar gáfulega þessi önn - tel skynsamlegast að klára kvótann sem fyrst svo ég eigi örugglega ekkert eftir þegar kemur að prófum. Þakka annars Vökuliðum frábæran föstudag - myndir eru komnar á síðuna - gjössovel Boggi minn. Svo þakka ég Sigrúnu afmælisboðið, krökkunum hressleikann og Bríeti og vinkonu ferðina á Ólíver sem var skemmtileg. Þar stóðu uppúr hressir boltastrákar með allt of blekaðan þjálfara enda drengir nýkomnir upp í úrvalsdeild. Til lykke með það.
Annars er minnið hjá stúlku eftir svona bæjarferðir ekki að gera sig - á laugardaginn leitaði ég dauðaleit að jakkanum mínum og trefli. Fann ekkert á þessum "200" fermetrum sem ég bý á og rölti niður á Hressó, hrindgi í Hreyfil, talaði við þau á Quiznos en engan jakka að finna. Kom heim og fann hann vafinn í rúmteppið. Er það ekki orðið slæmt þegar maður man ekki hvort maður koma heim í jakka eða ekki? *jafnvel að Vaka hafi boðið OF mikinn bjór? Það er a.m.k mín kenning. En hressleikinn var að drepa Kristínu á laugardeginum, því ekki labbaði hún bara niður í bæ, heldur fyrst niður á Granda, nánar tiltekið að Hólmaslóð 4 til þess að pikka upp ibookinn minn - þreif svo hátt og lágt og tók saman 10.milljónir af dósum og flöskum. Geri aðrir betur.

annars er ég mjög hamingjusöm með það að ekki eru nema 4 dagar í næstu helgi sem verður með heldur breyttu sniði. Stúlka mun taka að sér vinnu í erfidrykkju og hala inn nokkrum aurum í leiðinni. Ég ætla að kaupa mér hús og bíl nefninlega.......í framtíðinni sjáðu til.

Já - og ég skráði mig úr mann"killer"sögunni og fór í Fjölmiðlafræðinna - sem er skemmtileg. Sagan er það líka - hentaði bara ekki.

Glataður sími!

Ólukkan virðist elta mig upp þessa dagana. Ofan á margt annað slæmt sem hefur hent mig síðustu daga þá tókst mér að týna símanum mínum. Þið sem hafið þurft að ná í mig undanfarið þurfið að sýna þolinmæði - kemst í borgina í dag og mun þá festa kaup á nýjum síma.......ódýran sem skilar sínu, þarf ekkert GPRS eða hvað það kallast, myndavél, reminder...eða jú kannski það...og punktur. Líst vel á þennan hér til hliðar.

Nokia 2650
Einstaklega flott hönnun gerir þennan síma eftirtektarverðan. Þegar síminn hringir blikka ljós. Fagurhvítur.

Tilboðsverð: 12.900 kr. eða engin útborgun og
1.090 kr. í 12 mánuði

- ljósablikkið væri náttla alveg að gera sig!

Oft kemur illt þá rætt er

Sat á spjalli við nokkra varnarliðsmenn í vinnunni í sumar. Vorum að tala um hvaðan þeir væru í Bandaríkjunum. Einn þeirra sagðist vera frá NEW Orleans og var mjög stoltur af sinni borg og fylki. Ég lét í ljós mína þekkingu á borginni (síðan ég las Lifandi vísindi hér um árið. "Já, blúsborgin góða sem liggur milli tveggja fljóta og dælur hafa ekki undan við að dæla vatni alla daga". Jú mikið rétt hjá stúlku. Talið barst að nokkuð alvarlegri hlutum og ég skellti fram þeirri spurningu hvað myndi eiginlega gerast fyrir borgina ef mikill jarðskjálfti bæri að þar sem borgin væri um 2 metra undir sjávarmáli, t.d. ef stíflur myndu bresta og annað? Þeir svöruðu að þá myndi borgin þurrkast út en litlar líkur væru á því að jarðskjálftar kæmu til á þessu svæði.
- ekki óraði okkur fyrir á þessum tíma að mánuði síðar myndi skæðasti fellibylurinn í sögu Bandaríkjanna leika borgina svona grátt.

Allt að hefjast!

já jerímías - skólinn er byrjaður og hófst á yfirsofi hjá mér og Siggu. (svona er þegar báðar treysta á hina til að hringja) Hólmsteinninn var engu að síður hress og ákvað að hafa tímana stutta og góða - "svona á meðan þið haldið einbeitningu" eins og hann orðaði það. Tímar munu því ekki hefjast fyrr en 9 og gefur það stúlku auka klst í ræktinni.....*hóst*. Við rukum svo í bóksöluna eftir að Hannes var búinn að segja okkur að hún væri að seljast upp bókin hans........ég var búin að fara í smá vettvangsskoðun og mundi nákvæmlega hvar bækurnar tvær sem eftir voru stóðu og gekk því að þeim vísum og sátu margir eftir með sárt ennið og neyðast til þess að húkka á hlöðinnni og lesa um dýran hádegisverð. Síðan tók við spennandi kúrs í sagnfræðinni sem heitir mannkynssaga IV og er heilar 5 einingar (eins og víst alir kúrast í sagnfræðinni). Hitti svo Gunna Oliver og hann var eitthvað að vandræðast sem nýnemi og auðivtað gat Kristín aðstoðað með sína miklu þjónustulund. Reddaði stundaskrá fyrir kauða og fór svo og bauð kökur og mjólk í Odda. Annars er gott að vera komin aftur í kotið - netið er eitthvað í veseni heima þannig að nú þarf stúlka bara að gera sér ferð í Oddann til að fara á netið og slugsast.

well - gotta run, a piu tardi!