FLUTT AFTUR Í 101
Núna er stúlka að leggja af stað í Reykjavíkurborg og ætla ég að koma draslinu mínu þar fyrir. Líður senn að námstíma og herlegheitin byrja. Hlakka til.
Vökuferðin í Árnes var ljúf................mjög ljúf. Eigum við eitthvað að ræða það frekar?

....................þoli ekki fólk sem fattar ekki að halda sig hægra megin þegar það er að keyra á tvöfaldri akbraut..................

......................elska fólk sem hefur vit á því að halda sig hægra megin ef það er á 70 km á klst.................

Þetta var það sem ég spáði í dag þegar ég fór í Reykjavík :)

Punktur..

DAYS OF MY LIFE
Stúlkan er að vinna sinn síðasta dag í FLE í kvöld. Gladdi hún hjarta vinnufélaganna þegar hún kom færandi hendi með tvær kökur, gulrótar-, og hrísköku. Þetta er orðin hefð hjá minni og flestir komnir með matar- og köku ást á mér hérna...........sem er gott. Kristín er farin að telja niður dagana í skólann en má ég svo sem ekkert vera að því að sinna honum í byrjun frekar en fyrri daginn. Undirbúningur nýnemaviku og stúdentadags er í algleymingi og mikið að gerast. Framundan er haustferð Vöku og ef ég þekki mitt fólk rétt þá er eintóm gleði sem bíður mín þar. Mér er farið að þykja bjórinn ótæpilega góður og bíð í ofvæni eftir því að komast í vísóferðirnar sem hún Eyrún Björk mun skipuleggja af sinni alkunnu snilld í vetur. Fundir á fundi ofan líka framundan og Kristín er farin að hugsa til jólanna............. jámm, jólanna. Þau eru minn tími.
Svo fagna ég Clinton ex US pres og vona að honum hafi þótt SS pylsan á Bæjarins bestu góð...........U go guy!

BESTA HELGI SUMARSINS
Var án nokkurs vafa helgin sem leið (ásamt Þórsmörk). Ljúft var veðrið og skemmtilegt fólkið. Kristó og Heiða elduðu þennan dýryndis mat á föstudag og bjórinn alltaf góður. Fékk auk þess gistingu tvær nætur. Skelli mér ásamt fríðu föruneyti stjórnmálafræðinema að borða á Rossopomodoro á lau . Kristín var í öllu öðru en glamúrfíling og eftir að hafa tekið jómfrúarferð í nýju skónum á föstudagskvöldið ákvað stúlka að skella sér í puma skóna. Ekki sá ég eftir því enda horfði fólk á mig öfundaraugum þegar líða tók á nóttina. Ég var mjög sportí þetta menningarkvöld og hefði frekar átt að halda mig bara utandyra í útilegustuði þegar ég gekk um gólfið á REX í strigaskóm, gallabuxum og 66 north peysu! Jú hún Anna Steinunn dró mig þangað og hittum við þessa ágætu drengi þar sem þeir vippuðu okkur með sér bakdyramegin, enda ógerlegt að bíða í þessum endalausu troðningsröðum! Fólkið var vægast sagt uppdressað og tilhaft, eins og klippt út úr tískublaði. Ég mun gera aðra tilraun þarna seinna, og mun bæta þeim áhorfið á "the icelandic naturepiece" í það skiptið, enda ekki óálitlegir piltar þar á ferð.........já þetta skrifa ég eftir að hafa fengið mest út úr leikum EGO þetta menningarkvöld, ég er komin með þá í enn meira uppáhald.............var komin í kotið hennar Heiðu minnar um sex leitið og vöknuð um tvö með skötuhjúunum, við tók morgunmatur og áhorf á Notting hill! Takk allir fyrir góða helgi og skemmtilegt menningarkvöld. Thanx EGO fyrir endurkomuna.
Made the night.

Söngfuglinn Védís.................

.............Já hún Védís a.k.a Veddarinn vann ljósalagskeppnina í gærkveldi. Bryndísa skvísa tjáði mér að einstök gleði hafi ríkt í húsi Stapans þegar úrslit voru kynnt. Lagið er með eindæmum gott og textinn ekki síðri. Óska ég hér með Védísi til lukku með sigurinn og má hún vel við una þessi snót enda heiðurinn mikill.

GLEÐI
.................framundan hjá stúlku. Laus við dauða og djöful hjá Hannesi Hólmsteini (eða vona það alla vegana) Mikið var ljúft að ganga út úr Árnagarði vitandi að nú mun ég halda áhyggjulaus út á næturlíf borgarinnar bæði föstudag og laugardag. Matarboð hjá minni ástkæru Heiðu og svo er partýboð hjá Deigluliðum. Út að borða á laugardaginn með nördunum í fræðinni og hlakka ég mikið til að hitta þessa vitleysinga enda gaman að ræða allt milli himins og jarðar við þessar elskur.

Bendi á nýjan línk þar sem snillinn Steini Gunn fer mikinn í auglýsingunum! Verðið að tékka hann út!

Svo vil ég hvetja fólk til þess að fara á www.tonlist.is og kjósa ljósalagið. Ég er búin að hlusta á þetta allt saman og finnst hún Védís skara framúr. Hvet líka fólk einmitt til þess að kjósa hennar lag.......... :)

Þangað til næst...................
In case I don´t see you:
Good morning, good evening and good night.

Snillingar númer 1...............
...............Eftir að hafa séð þáttinn áðan með vitleysingunum í 70 mínútum þá áttaði ég mig á því að ég var að svíkja þá verulega að láta þá ekki fá link líka.
Þeir eru BARA fyndnir....................en ekki með heimasíðu nema popptíví og þangað ætla ég ekki að linka svo lengi sem jafn ömurlegir þættir og sá sem Heiðar Austmann og Anna eru með. Sorry, hann er bara ekki að gera sig. Vona að ég hafi engan sært.

"Sólin kemur upp í austri og sest í vestri.................og svo kemur hún aftur upp í vestri og sest í austri. Þetta eru svona háskólapælingar."

Datt þessi auglýsing í hug þegar ég var að ímynda mér sólina vera að koma upp núna. Náunginn er snillingur! Klukkan er að verða fimm og næturvakt að ljúka. Kristín er óðum að jafna sig á sólarexeminu eða hvað þetta nú kann að vera. Helgartörn senn á enda og stúlkan verður að fara að keppa við tímann í próflestri. Djöfulsins sumarpróf! Arrrgg.......................

Hvað finnst fólki annars um lögleiðingu kannabisefna? Hefur einhver pælt í því?

Bara svona háskólapæling hjá mér,*hóst* ;)
læt þetta gott heita í bili.

SÓLAREXEM
Dagurinn var ágætur framan af. Lá í sólbaði bakvið hús og REYNDI að lesa. Gekk frekar illa. Áður en ég fór í vinnuna (á næturvakt) þá tók ég eftir roða á höndunum. Fannst það skrítið en kippti mér ekki upp við það. Vön að harka af mér :) En síðan fór þetta að versna og núna er ég komin með heljarinnar útbort á hendur og bringu. Dettur sólarexem í hug. Mér er farið að svíða.

Annars voru tíðindin þau að Bollinn fékk Heimdallinn. Til lykke með það!

SÓL, SANGRÍA OG GRILL........
Síðustu tveir dagar eru búnir að vera hinir dásamlegustu. Hvað er betra en að vera í fríi í svona veðri? Nýtti reyndar ekkert sérlega vel miðvikudaginn og fór í borgina með Sigga bró. Hann til doksa og mín á fund ( en ekki hvað?) Varð auðvitað að koma við í Holtagörðum og keypti mér ljós limegræn handklæði og þvottapoka. Rölti svo yfir í IKEA og keypti þar græna púða og grænan blómapott (sem ég hef hugsað mér að nota fyrir annað en blóm)

Dagurinn í dag var fullkominn. Skellti mér í göngutúr með Gutta niður í fjöru í hitanum og hann tók nokkra spretti þar. Kom svo heim og fór með Leon Inga frænda (4ára) og Ólafíu frænku (2ja ára) í heita pottinn og dunduðum við okkur þar í tæpa tvo tíma. Kristín var með góða sólarvörn og tók nánast engan lit. Eftir það lagðist ég bak við hús og rotaðist þar í smá tíma. Mamma kom svo og veitti mér hinn besta félagsskap eins og alltaf. Svo hringdi Sunshine og plottuðum við grill.

Grilluðum kjúlla í BBQ og Sunna mixaði geggjað salat og að ógleymdri sangría a la Spania. Drukkum, borðuðum og spjölluðum ásamt Sirry, Stebba og Eygló. Kristín tók með sér sitthvað úr átvr en kom með allt til baka. Sangrían var alveg að gera sig......

Takk öll fyrir góða daga :)

SPIDER-GIRL
Ákvað að sýna Sigga bróðir og mömmu í gær að ég væri alls ekki hrædd við köngulær. Hef aldrei verið það. Ef að ég sé þær einhvers staðar þar sem þær eru á vappi þá tek ég þær upp með höndunum og fleygji þeim út. Geri það sama við hrossaflugur. En nóg um "híróstæla". Í gær kallaði Siggi bróðir á mig og mömmu inn í herbergi. Fyrir utan gluggan hékk stærsta könguló sem ég hef á ævi minni séð! Þá á ég að sjálfsögðu við hérna á klakanum og með berum augum. Hún var, án gríns, á stærð við stóra randaflugu. Eftir að Kristín var búin að státa sig af non-hræðslu sinni við köngulær var ég búin að láta mana mig upp í að fara út og taka hana með berum höndum og fleygja henni í burtu. Kristín fer út, u.þ.b. klukkan 12 á miðnætti. Fer á bakvið hús þar sem glugginn var. Fyrir innan biðu Siggi og mamma spennt yfir þessu bjánauppátæki okkar Sigga. Kristín stillti sér fyrir framan gluggann en þá var köngulóin svo hátt uppi að ég náði ekki! Dó ekki ráðalaus enda mjög snjöll stúlka á ferð. Náði mér í stiga og klifraði upp.......................Þá var komið að þessu. Hún var meira að segja MUN ógeðslegri, enda sá ég framan á hana núna. Ég ákvað að pota fyrst í hana með puttanum og á leið minni að henni þá stöðvaðist vísifingur í þessum líka köngulóarvef! Ojbara. Ég fékk hálfgerðan straum og kippti hendinni til baka. Þá kallaði mamma í gegnum gluggan að ég skildi ná í barnaskófluna bakvið hús og taka hana bara með henni. Ég hugsaði mig tvisvar um enda var ég við það að gugna á þessari áskorun. Ég sá það fyrir mér að ég myndi, á leið minni að kvikindinu, festast í vefnum og að köngulóin myndi bíta mig. Ég ákvað að skella mér á barnaskófluna. Þegar ég er komin með hana í hönd og tilbúin til atlögu, þá tók það bara helvítis tíma að komast í gegnum þennan járnvef hennar! Ég náði henni eftir smá stund í skófluna, henti henni frá mér og hljóp inn.
Hetjan hún Kristín.

Hlakka til að byrja í skólanum og hitta hina stjórnmála-"þínkjandi" gúrúin. Annars erum við að fara að hittast 21.ágúst á Menningarnótt og snæða saman á Rossopomodoro. 12 dagar til stefnu. Þeir eiga eftir að líða hratt.

Frekar svekkt yfir því að hafa misst af seinnihluta framhaldsmyndar mánaðarins. Sunna Sweet tók hana upp fyrir mig en tókst svo að drekkja spólunni. Vikaði ekki...................eftir sólarhring á ofninum! Magnað.

Mr Thorodsen

Já, núna stendur yfir kosningabarátta um næsta formann Heimdallar. Í fyrra voru einhver klíkuleiðindi og frekar mikil skítalykt af því máli. Nú berjast um sætið þau Helga Árnadóttir og Bolli Thorodsen. Ég þekki Bolla ögn í gegnum Vöku og þar er bara nettur gæji á ferð. Ferlega næs og skemmtilegur drengur. (meira að segja bindindiskall) Veit ekkert um Helgu en finnst einhvern veginn nóg bara að heyra í henni og sjá til þess að fíla hana ekki.

Þó mér finnist ekkert sérlega mikið til Sjálfstæðisflokksins koma þá er Bolli fínn gaur. Finnst að þeir sem að eru að fara að kjósa á annað borð þarna í "dallinum" ættu nú að X-a við kauða.

Já, og annað.................þær stúlkur þarna í Heimdalli eru eitthvað á móti jafnréttislögunum og eru á sama tíma að halda því á lofti að það hefur einungis ein kona verð formaður Heimdallar í 77 ár. Ef þær eru að reyna að hreppa embættið út á það þá eru það hrein öfugmæli.

MÆLSKUR

"...................they never stop thinking about new ways to harm our countries and people........and neither do we."

Snillingur þessi Bush.

Tvær vikur í sumarprófið og Kristín svo sannarlega ekki búin að vera að liggja yfir bókunum. Ég gerði mér það í hugarlund í vor þegar ég þurfti að fara í upptökupróf í stjórnmálaheimspekinni að það yrði sko ekkert mál að lesa í sumar. Nógur tími. Það er einfaldlega ekki að smella saman hjá mér, vera að vinna og reyna að njóta sumarsins og þurfa á sama tíma að vera lesa eitthvað krapp eftir Hólmsteininn. Ég er bara LAZY þetta sumarið.

............... If I were any lazier, I'd slip into a coma!

"En skýtur það ekki skökku við að ætla að slá aðsóknarmet og geta ekki boðið þá þjónustu sem viðskiptavinurinn vill?"

"Ég skil bara ekki spurninguna."

Þórey Vilhjálms að taka símaviðtal við Eggert Magnússon formann KSÍ. Mikið varð Didda hissa þegar maður í hans stöðu skildi ekki einföldustu spurningu. Ef þú heyrir ekki spurninguna þá er allt í lagi að biðja um endurtekningu. Eða ef að þú getur ekki svarað fyrir þig. En ekki þykjast ekki skilja! Það kemur bara illa út.

Annars langaði mig frekar mikið að fara á þennan vináttulandsleik við mammónana frá Ítalíu. En það er bara laust í stæði. Það finnst mér ekki nógu gott.

Hvað er svo málið með Eggert að vera alltaf að miða við Metalicu tónleikana? "Fyrst það fóru 18.000 á þá tónleika þá hljóta að koma jafn margir á fótboltaleikinn." djí. Kannski örlítið öðruvísi stemmning. Og þá er ég alls ekki að gera lítið úr fótboltastemmningunni. Í Metalicu eiga margir Íslendingar átrúnaðargoðin sín...................okei, kannski líka í íslenska landsliðinu.
Eiður Smári.

Það er hollt og gott að hlægja. Besta sem ég veit um er að vera innan um fólk sem fær mig til þess. Ef fyndið fólk er ekki til staðar þá er alltaf hægt að redda sér. Horfði á Dumb & Dumber og Ace Ventura í dag. Þær skiluðu tilætluðum tilgangi.

Var að fá tilkynningu um að ég hefði verið skráð á póstlista SUS.

Gaman að þessu.
Neðanbeltishúmor er mér að skapi.

Dansfílingurinn er eitthvað að dala miðað við veðrið þessa stundina. Ausandi rigning og SLAGveður. Það er núna ósk mín að það taki stakkaskiptum. Rokið (c.a 25m/sek) æltar kofann um koll að keyra og rigningin er óbærileg. Vona að það sé betra úti í Eyjum.