Ritgerðarspan........

Kæruleysi í ritgerðarsmíð borgar sig ekki............kannski að stúlka hafi gróflega áætlað tímamörk fyrir þessa vinnu heldur tæplega. Þannig var málið að ég náði varla að lesa verkið yfir áður en inn var skilað. Baldur er mjög strangur á tíma og eigi síðar en 15:00 mátti hún berast. Sannkallað kapphlaup við tímann........móð og másandi náði ég í tæka tíð og henti inn allt að því hálfkláruðu verki. Veit að innan um öll footnote-in leynast einhverjar ásláttarvillur og fleira skemmtilegt.

En það þýðir lítið að væla yfir einni ómerkilegri ritgerð. Bara 30% af lokaeinkunn og svo fæ ég mjög sennilega 10 á lokaprófinu. Núna er bara að spýta í lófana því framundan er vertíð mikil í lærdómi og prófum. Fyrsta lokaprófið er eftir viku í tölvutíma kenndan við SPSS!! Og svo kemur þetta koll af kolli í desember. Ljúft og ennþá skemmtilegt.

Svo minni ég mitt fólk á kosningavökuna annað kvöld í Listasafninu þar sem ég er í þann mund að fara að vinna lite-kippu af honum Adda!! Þetta verður svooooooo spennandi. Vona bara að úrslit kosninga komi ekki eftir jólin. Go Kerry, go Kerry, go Kerry!!!!!