FÍNASTA HELGI
Fór suður til Grindavíkur og var markmiðið að læra. Tjái mig ekki meira um það. Gott að koma heim í kotið og hitta meðlimi fjölskyldunnar, þó svo það hafi vantað Sigga bró sem því miður fékk ekki að koma heim á laugardag, vinurinn búinn að hafa sig til brottfarar og þá sýndi blóðrannsókn að drengur varð að vera í lækna"spa" áfram. Kristín gerði þá stormandi lukku að fara með mömmu til Reykjavíkur að ná í Sigga og ætlaði svo að vera eftir í kotinu sínu til að læra meira. Kom þá í ljós þegar í borgina var komið að lyklunum gleymdi hún heima. Skemmtilegt. Eftir 3ja klukkustunda tjill í bænum komust lyklar á leiðarenda.

Afmæli Konna var nokkuð nett. Flaut þar allt í áfengum drykkjum og átti enginn að komast út með höfuðið á réttum stað. Kristín ákvað að droppa við hjá afmælisbarninu svona aðallega til þess að hitta hann og Elítu-meðlimi enda sakna ég þeirra ávalt ef það líða lengur en 24 tímar á milli hittings. Það fór ekki svo að Kristín færi ein á EGO því í Konna-partýi hitti ég EGO-fan dauðans og vin hans sem ákváðu að skella sér með stúlku á NASA. Þegar niður á Austuvöll var komið voru þeir þegar byrjaðir að spila og gvöð hvað húsið var troðið. Mátti þakka mínu sæla að komast út af dansgólfinu þegar ég rauk inn á það til þess að taka þátt í stemmningunni. Skaust aftur út úr þvögunni með skottið á milli lappanna og upp að bar þar sem ég stóð bara í tröppunni þar og fylgdist með úr fjarlægð. En það var í góðu vegna þess að sama hvar maður tróð niður fæti, allstaðar var maður inni í miðju fjöri. Hitti svo auðvitað Grindjána sem voru BARA hressir og fleira fullt fólk. Eftir að EGO lauk sér af tæmdist húsið og stúlka lét sig hverfa inn á annan stað þar sem hittingur var við áhugaverða aðila. Komin heim seint eftir leigubílaröð dauðans!! Næst þegar á djammið er farið eru það strigaskór og dúnúlpa...............eftir á...........skokk heim :)