DAGURINN Í DAG

Skellti mér á fyrirlestur í hádeginu í Lögbergi: "Ógnar slæðan lýðræðinu?" Með elskulegri Sunnu dísinni minni :) Verið að ræða bannið við trúartáknum, eins og nýleg dæmi sýna í Frakklandi. Ágætur.

Fór í viðveru uppi í Stúdentaráði það sem stúlka sinnir lánasjóðsmálunum. Alltaf gaman að hitta Vökuliða, hressa og káta að vanda. Fór í bóksöluna & keypti mér bókina: "Iceland, Norway and the EC Common Fisheries policy" Mjög fróðlegt.

Fór svo á Stúdentaráðsfund sem var sá lengsti til þessa. Við erum að sjálfsögðu búin að vera að standa okkur í meirihluta og fullt af málum sem við megum vera stolt af eins og ábyrgðamannakerfið, office pakkatilboðið, Rannsóknadagurinn framundan, búið að lengja opnunartíma byggina, Odda, Lögberg, Árnagarð og VR II til 24.00 og margt margt margt fleira :)

Fórum svo á Brennsluna og fengum okkur að borða og spjölluðum saman yfir bjór, vatni og kókglasi.

Annars vildi nú ágætur aðili meina að þetta væri týpískur dagur hjá stúlku:

Vaknaði, fór í Grindó, las í hlöðunni, seldi harðfisk, skipulagði mót fyrir 200 frjálslynda frá afríku sem eru í 2 vikna heimsókn og gista allir heima hjá mér, skrapp til Brussel...og fór svo í vísindaferð um kvöldið, eftir að ég kom heim skrifaði ég heimildaritgerð um pólitísk áhrif Nitzsche á Norðurlöndin áður en ég ákvað stefnu íslands í kvótamálum...

Dæmi nú hver fyrir sig...........

VILL MINNA Á:
Það er HREKKJAVÖKU-PARTÝ Vöku á Pravda á föstudaginn klukkan 20.00. Þeir sem mæta í búning fá frían bjór. Allir að láta sjá sig......Treysti á ykkur Elítumeðlimi. Ekkert að skrópa þó svo það séu ritgerðaskil á mánudaginn sko!