Kristín nirfill??
Já, það þarf sko stundum að segja manni til syndanna. Siggi bróðir gerði mér nokkuð ljóst þegar við fórum út á videoleigu til að taka einhverja mynd að glápa á þetta sunnudagskvöld.  Þannig var málið að þegar við erum komin út í bíl þá segji ég (í djóki) "þú borgar, er það ekki?" Þetta var sko mín hugmynd að taka spólu. Þá horfir hann á mig glottandi og segir, "nei, nei".
"Ókei" segi ég, "þú kaupir þá bara nammið, er það ekki?" Þegar við vorum búin á leigunni, þar sem Kristín borgaði 500 kr fyrir 2 spólur (nýja og gamla) brunuðum við í sjoppuna. "Hvað eigum við að kaupa?" Kristín hugsar sig um.........."hríspoka, djúpur og blandaðan lakkríspoka", ofan á þetta bættist  það sem Sigga langaði í, Leppinn, og stór nóakropp sem hann hugsaði handa mömmu og pabba.  Kristín kom svo við á leigunni aftur og keypti handa honum Maxi popp. Útgjöld ferðarinnar, Kristín = 640, Siggi = 1000>. Eftir þessa ferð þá minnti Siggi mig á bíóferðina okkar, sem ég stakk upp á eitt sinn, ekki fyrir alls löngu. "Förum í bíó, ég skal borga." Þegar við vorum komin í bæinn vorum við bæði svöng og komum við í Smáralindinni þar sem við fengum okkur Pizza Hut. Eftir að Siggi hafði borgað hátt í þrjú þúsund krónur fórum við í bíóið þar sem Kristín framvísaði miða "tveir fyrir einn".

Mér varð ljóst í dag að ég get verið nirfill......................BARA þegar ég er með Sigga bróðir.