Splendid weekend
Er þá ekki barasta komið að því að skella inn pistli um það sem átti sér stað þessa helgina? Þessi vikulok voru frekar stíf en skemmtileg. Kristín byrjaði á því að mæta samviskusamlega í Bandarísku stjórnmálin á föstudagsmorgun eftir að hafa skutlað Sigga bró á la hospital í rokrassgati dauðans. Ég sá fram á að mæta seint í tímann þannig að ég ákvað að fara þessa stuttu vegalengd á bílnum. Hefði sko betur átt að sleppa því auk þess að vera með það á hreinu hvar tíminn átti að vera. Byrjaði á því að bruna upp í bíóið og gekk þar inn í ranga stofu. Hringdi svo sos call í Siggu og hún sagði hann vera í Lögbergi! Fylgjast með Kristín!! Allt í læ, mín brunar þá út í lögberg og eyddi svona 15 mín að rúnta um bílastæðin (sem eru mjööööög takmörkuð) Kemst sveitt og móð loksins í tíma. Siggi var búin að segjast þurfa vera alla vegana svona 3 tíma á spítalanum og Kristín gleymdi svo símanum sínum í bílnum. Þegar ég er svo búin í tíma og (sem var 4 faldur) og rölti að Norræna húsinu þar sem ég lagði sé ég 14 missed calls á símanum!! Siggi var þá eftir allt ekki nema í 1 og 1/2 tíma þarna í kotinu á la hospital.
Það reddaðist nú alls saman og hann tók allt lesefnið og las það upp til agna.

Krakkarinir frá Norge, Svíþjóð, Danmörku og Finnlandi voru nú öll að berast til landsins og allt að hefjast hjá UF. Byrjuðum á að hittast í Aðalstræti 9 og röltum þaðan út í Alþingi þar sem við fórum túr, þó ekki inn í aðalhúsið vegna framkvæmda. Skelltum okkur í nefndahúsið og hlustuðum á sögu þingsins á video í máli og myndum. Eftir það var farið aftur út í Aðalstræti þar sem flokkurinn bauð upp á hákarl, brennivín og harðfisk að vestan, ásamt ostum vínberjum og gosi.Kristín gerðist svo kræf að smakka brennivínið og það 2 staup! Geri aðrir betur. Eftir það fórum við á Rossopomodoro þar sem við fengum allt of mikið og gott að borða. Vorum afvelta og rúlluðum eftir það niður Laugavegninn og enduðum á Pravda það sem lýðurinn átti ekki orð til að lýsa ánægju sinni með þann stað. "Frjálslynda" myndin á veggnum þar gerði sína lukku. Þar tjúttuðum við frameftir nóttu og mættum síðan galvösk á Kaffi Reykjavík daginn eftir þar sem dagskráin hófst að alvöru með fyrirlestri prófessors nokkurs úr HÍ. Hann var mjöööög "hress" með bjór í hönd og byrjaði á því að fara út um víðan völl og frekar út fyrir efnið sem hann var fenginn til þess að ræða um. Kristín sló því á það ráð að taka "breik" frekar snemma og ýtti herra prófessor aftur á sporið. Eftir það vou spurningar og svör. Hádegisverðurinn var mjög fínn, hlaðborð á Kaffi Reykjavík (sem er NB orðinn hinn glæsilegasti staður) og svo tók við hópavinna þar sem við ræddum norræna samvinnu ýtarlega. Klukkan 16 var ferðinni heitið í Bláa lónið. Kristín stóð sig með stakri príði í að vera leiðsögumaður með fóninn og sýndi þeim helstu pósta Reykjavíkur. Eftir spa-ferðina í lónið fór rútan með okkur heim til mín og minna á Dalbrautina í Grindavík þar sem við tók dinner a la mamma. Fólkið átti vart orð yfir að lýsa ánægju sinni í þetta skiptið á matseld móður minnar og ég er búin að lofa að senda öllu liðinu uppskrift af humarsúpunni. Eftir að hafa borðað 3ja rétta máltíð heima hjá mér, drukkið marga marga bjóra og tjattjað og skemmt okkur lá leiðin hjá liðinu aftur í bæinn og það kom ekkert annað til greina hjá þeim en að fara aftur á staðinn með "frjálslyndu" myndinni. Stúlka varð hins vegar eftir og ákvað að heilsa upp á bæjarbúa sína í Festi þar sem hin árlega samkoma þorpsins var haldin. Gaman var það og átti ég nokkar mjög skemmtilegar umræður við nokkra mjög skemmtilega einstaklinga.
Sunnudaguinn hófst svo klukkan 10 á Kaffi Reykjavík í pallborðsumræðum. Til okkar komu Magnús Þór Hafsteinsson og Eiríkur Bergmann og ræddu þeir Norræna samvinni og framtíð hennar auk þess að koma all verulega inn á ESB, enda Eiríkur okkar helsti sérfræðingur í þeim málum ásamt auðvitað mínum ágæta kennara Baldri Þórhallssyni.

Það er frá svo ótrúlega miklu að segja en ég verð að láta þetta gott heita í bili vegna þess að ég er að fara í skólann. Eftir annasama og lærdómslausa helgi er að nógu að taka núna í náminu.
úffpúff