ÖRSTUTT SLÖKUN & TJÚTT
Stúlka er búin að vera busy as hell undanfarna daga og hefur rétt náð að kasta mæðunni. Stúdentadagurinn tókst mjög vel og Vökuliðar duglegir við að svara kalli Kristínar um aðstoð við hitt og þetta. (takk elskurnar). Eftir að dagskrá lauk á föstudaginn þar sem stúdentar HÍ hámuðu í sig pylsur og skoluðu ýmist niður með kóki eða bjór í boði Vífilfells, brunaði Kristín á Avis bílnum upp í Efstaleiti á RÚV þar sem hún tjáði sig um efni fyrirlestrar síns daginn eftir. Mikið stress var í gangi enda stúlka ekkert búin að ná að einbeita sér að fyrirlestrinum vegna anna við störf Stúdentaráðs. Hún hafði sig þó í það að vakna tvo morgna klukkan 6 til þess að lesa heimildir. Síðan sá hún fram á að þurfa að eyða föstudagskvöldinu í að klára framsöguna um mannréttindin þannig að hún sá sig knúna til þess að skrá sig úr vísindaferðinni (fyrstu þessa vetrar) sem hún var búin að láta sig hlakka til að fara í. Kvöldinu eyddi hún í staðinn fyrir framan tölvuna þar sem hún setti herlegheitin upp í powerpoint. Laugardagurinn hófst svo klukkan 6 aftur, þriðja daginn í röð og setti Kristín lokahönd á verkið. Um klukkan 15.30 upplýsti ég áhugasama um skerðingu mannréttinda víða í heiminum eftir 11.september 2001. Framsagan gekk vel, það vel að vinstri-forsprakkinn, Ögmundur Jónasson hrósaði sérstaklega, en hann var einn af framsögumönnum líka. Nokkra tonna fargi var létt af Kristínu og fagnaði hún ákaft um kvöldið. Fór í afmæli til Sigrúnar, ársveislu á Pravda og endaði í partý í Grindavík, rölti heim til múttu og karls klukkan 10 á sunnudagsmorgun, svo mikið var fjörið enda Grindvíkingar ekki þekktir fyrir rólegheit. Nú er þessi örstutta slökun á enda og við tekur lestur og aftur lestur um samvinnu Evrópubúa, vandamál 3ja heimsins og forsetakosningarnar í USA. Seminarið góða er framundan þar sem ungt frjálslynt fólk mun taka á móti svipuðu gengi frá Skandinavíu. Mikil skipulagning því framundan...........aftur.........