ER LÍFIÐ EKKI BARA KONFEKTKASSI?
............lífið er dökkt súkkulaði.....(mér finnst það vont)....og þetta er athyglisvert, og gaman að lesa. Ég er ekki búin að hafa tíma í að bloggast. Þegar komin með sængina og koddann í oddann (allavegana teppið) og ætla að vera hérna þar til yfir líkur. Búin með eina helför, two to go! Kreisti ykkur öll með risa knúsi og bíð prófloka með glampa í augum!

Ekki lesa yfir ykkur, manni líður svolítð asnalega svoleiðis.....................................

Súkkulaðireglugerðin mætti alveg koma í opinbera prófinu :)

P.S. Steinunn vinkona á afmæli í dag og fær hún extra fast knús og koss frá mér! Til lykke skvís
(konfektkassinn er líka handa henni) já og ég má ekki gleyma honum Þóri a.k.a Ubermixer. Hann átti afmæli í gær og ég á enn eftir að knúsa hann.................knúsa hann í kvöld! Þau eru bæði á svipuðu reki, hún 23 og hann 24! Eldist fljótt þetta lið! ha! (Þórir...............þú færð næstu súkkulaðimynd í afmælisgjöf)

|

GLEÐILEGT SUMAR KRÚTTIN MÍN

..............er ennþá í ritgerð. Búin að taka kribbið í gegn hátt og lágt í morgun þrátt fyrir "smá" djamm í gær. Ætlaði ekkert að tjútta en tók smá feilspor. Já þetta var ekki nógu gott. Það var alveg gaman en ég ætlaði að læra í gærkveldi. Ekki vera í kæruleysinu frá 19.00-05.20. En svona er það bara. Agalaust kvikindi sem sér freystingarnar á hverju strái. Sit núna í kotinu, með allt hreint í kringum mig étandi þurrt Ceerios vegna þess að mjólkin eyðilagðist. Er að reyna að byrja á að klára ritgerðina en stúlkan á efri hæðinni syngur of hátt. Hún er alltaf syngjandi. Ef ekki hún þá þvottavélin. En þetta er skemmtun. Strákarnir hér fyrir utan völdu sér líka besta svæðið til þess að vera á hjólabrettum og öskra "NAU FLOTT MAR" En stúlkan er fjölhæf og getur vel við unað í öskrum og söng og lesið um forréttindi forsætisráðherrans í Bretlandi.

Eigið góðan dag! Ég skemmti mér seinna og á inni sumardag í aprílblíðu.

Er svo ekki málið að skella sér á markaðinn og kaupa sér nokkrar stjúpur til að henda í pott á veröndina?

|

RITGERÐARSMÍÐ:
Er að vinna ritgerð sem ég á að skila á miðvikudaginn. Er mjög upptekin og mun ekki svara síma. Þess þá heldur meili og það verður tilgangslaust að banka upp á.
Eigið góðan dag.
Ciao

|

AFMÆLI Í DAG!

Þá er komið að því! Stúlkan er orðin 24 ára. Vá hvað tíminn líður hratt. Mér finnst svo órtúlega stutt síðan ég var í grunnskólanum og horfði á krakkana í 8.bekk þegar ég var í 5.bekk og mér fannst það rosalega fullorðið að vera 13 ára!! En þetta er fínt. Stórafmæli á næsta ári og þá verður partý..............því ekki verður það núna. Mikið að gera í skólanum og sonna. Býst nú samt við fólkinu fyrir sunnan og ég var líka að baka þessa flottu köku áðan. Þeir sem vilja koma og fá sér bita verða bara að láta vita (svo ég geti bakað meira) En ég ætla ekki að hafa þetta lengar í bili enda bíður bunki með uppl. um forsætisráðherra Bretlands lestrar. Ef afköst dagsins verða sæmileg þá mun ég verðlauna sjálfa mig í kvöld og kíkja kannski á smá tjútt.

Eigið góðan dag eins og ég :)

|

ALLT AÐ GERAST
Búin að vera að vinna í ritgerðinni sem ég er að gera í samanburðarstjórnmálum. Ég er að bera saman völd forseta BNA og völd forsætisráðherra Bretlands. Skemmtilegt og mjög fróðlegt. Gaman að segja frá því að þegar ég var á kafi í að lesa allar þessar heimildir sem ég er búin að ljósrita upp fyrir axlir, fékk ég hugdettu. Ég ákvað að skella mér á 4.hæð á hlöðunni og gá hvort ég finndi nú ekki bara einhverjar skemmtilegar heimildamyndir. Svona bara í gamni. Eftir hlaup upp og niður á hlöðunni, ýmist eftir ljósritunarkorti eða útlánskorti fór ég heim með þrjár myndir. 60 mín, 30 mín og 33 mín. Ekki svo slæmt.

Fysta myndin sem ég skellti í tækið var "Presidents and politics with Richard Strout" sem er svo merkilegur kall fyrir það að hafa lifað heila 12 forseta í BNA!! Ótrúlegur kall. Myndin var ágæt en engar ógurlegar uppl. fyrir utan það að sá forseti sem honum fannst bera af í að höndla pressuna var Franklin D. Roosevelt. Bara spjall á milli hans og fréttamanns ásamt nokkurm skemmtilegum myndskotum frá því í dentíð.

Önnur myndin sem ég skelli í tækið var (eða átti að vera) "The United states becomes a world power" var mjög spennt fyrir þessari mynd, síðan 1974 reyndar og er um utanríkismál BNA og þegar Maine var sökkt árið 1898. Gaman að því! En þegar ég er búin að skella myndinni í tækið og set á play........byrjar þá ekki bara leikin kvikmynd!! Ég byrja svona að horfa og bíð eftir því að titillinn komi upp..........birtist þá ekki bara "I know why the cages bird sings" Frábært, en ég gat svo sem hlegið í byrjunaratriðinu þegar kennslukonan bannar nemandanum að svara sér þegar hann segir "yes mem" og þá svarar hann (óvart)"yes mem, no mem, yes mem........I mean............mem"

Síðan var komið að því að skoða þriðju myndina "Visit to the white house" vissi það svo sem að það yrði ekki mikil hjálp í þeirri mynd en hún var mjög skemmtileg. Þarna er rakin saga hvíta hússins. Að Geore Washinton var eini forsetinn sem ekki bjó þarna, það brann einu sinni svo að aðeins útveggirnir stóðu eftir, síðan varð að endurbyggja það vegna þess að timburgólfið var hætt að þola allan þungann og öll herbergin þar bera nöfn eins og "blue room", "red room", "yellow rome" og.............nei nú er ég hætt. Getið bara tekið þessa mynd.

Framundan er spilakvöld hjá Kollu bollu, á morgun, afmæli hjá mér á laugardaginn, já ég á afmæli þá en ég er ekki að halda upp á það..............ummmmmm, alla vegana ekki viss ennþá. Frekar stuttur fyrirvari þá. Og svo allt að gerast á sunnudaginn. Kann ekki við það að opinbera það hér á síðunni :) (ein voða nastí)

Góða helgi alle sammen!

|

TRIVIAL OG GETTU BETUR
Það var margt um mannin í kotinu hennar Kristínar í gær. Stjórnmálafræðinemar ákváðu enn og aftur að hittast og gera eitthvað skemmtilegt (við erum svo skemmtileg) saman og ákváðum við að spila. Við vorum hvorki fleiri né færri en 12 sem slógum til og hrúguðum okkur í kringum stofuborðið. Í trivial voru það ég og Ómar sem unnum, þá voru 2 í liði (enda ekki allir komnir), síðan var alltaf að bætast í hópinn og þegar við fórum í Gettu betur vorum við 3 fjögurra manna lið. Ómar varð svo lánsamur að vera í vinningsliðinu aftur, en þess má geta að hans lið var með ótrúlegt forskot sem þau svo töpuðu niður í lokin. En þetta var mjög skemmtilegt og alveg bókað mál að þetta verður gert oftar, ásamt badmintoni, skvassi, körfubolta, fótbolta, ................og bíóferðum.

Takk fyrir kvöldið!

|

MÁLSHÁTTURINN Í EGGINU:
Góður orðstír kemur smám saman en illur er auðfenginn.

Hef alltaf sagt að mannorðið sem við eigum og höfum skapað okkur er það dýrmætasta. En með asnagangi og glappskotum er auðvelt að kasta því fyrir bý og það gæti tekið heila ævi að vinna það upp aftur. Farið því vel með það :)

Gleðilega páska!

|

LANGUR FÖSTUDAGUR
Jæja.....styttist í páskaeggin. Kristín ætlar að skella sér suður í Grindavíkina seinnipartinn og heilsa upp á familíuna. Ég er líka að fara að vinna í Festi í kvöld, svaka ball þar á bæ með Kalla Bjarna og félögum í Lions quest. En það er spurning hvort að stúlkan geti afgreitt á barnum þar sem ég er að drepast úr harðsperrum í vinstri únlið eftir badmintonið í gær. Við skelltum okkur nokkur úr fræðinni í TBR þar sem hann Helgi (bandmintonspaði) opnaði húsið sérstaklega fyrir okkur. Svei mér þá alla mína daga.............ég og Jón Páll vorum nú ekkert sérlega góð, enda mín ekki búin að slá flugu síðan í grunnskóla. En þetta kemur allt með æfingunni og finnst mér að við ættum að gera þetta að föstum liðið svona 2 sinnum í mánuði, svo skvass tvisvar sinnum í mánuði líka......og svo fótbolta 2 sinnum í mánuði. Þá verðum við öll komin í toppfprm eftir árið :) Líst ykkur ekki vel á það? IM IN!

|

ALLIR AÐ SKOÐA:
Þessa síðu,hún er snilld. Ég hef ekkert verið að fara með það í felur að ég er alls ekki aðdáandi Bush og vona svo innilega að hann Kerry taki hann bara í Karphúsið. Fann þessa mynd á vefnum og fannst hún bara nokkuð góð.......

Svo vil ég minna á það að það er hægt að fara hér inn og skrá sig á listann, Europe against Bush

|

THE PASSION OF THE CHRIST TILVALIN YFIR PÁSKANA
Mæli ekki með myndinni DAWN OF THE DEAD.....skelltum okkur í bíó, nokkur úr stjórnmálafræðinni í gærkveldi og ég get svo svarið fyrir það að ég hélt að ég myndi deyja úr hræðslu í byrjun myndarinnar. En þó svo myndin hafi verið ógeðsleg og með fyndna punkta annars lagið þá var hún alls ekki góð, ég fór með frekar neikvæðu hugarfari á hana og það virtist ætla að breytst í byrjun en eftir hlé fannst mér hún mun verri, svo sat ég líka á endanum sem var frekar leiðinlegt á svona mynd. Næst er stefnan tekin á THE PÁSSION OF THE CHRIST eða TAKEN LIVES. Núna styttist í prófin og Kristín er búin að heita sér því að vera dugleg að læra og reyna að rumpa af svona eins og tveimur ritgerðum. Reyndar er tjútt á miðvikudaginn þar sem VAKA er að slá upp partýi á Hverfisbarnum klukkan 21.30 og hvet ég að sjálfssögðu alla til þess að mæta og taka smá páskatjútt enda er frí daginn eftir hjá flestum þar sem Skírdagur er á fimmtudaginn.

|

GERUM EINS OG ÍRAR!!
............bönnum sígarettur á skemmtistöðum, veitingastöðum og börum! Ekkert leiðinlegra en að anga eins og öskubakki þegar komið er heim eftir tjúttið! Það fer ekkert meira í taugarnar á mér en sígarettur! ojbarasta.....hvað er að fólki eiginlega? vitlausast í heiminum að reykja.................farið að taka í vörina, þá slepp ég!!
(sérlega pirruð á þessu í dag)

|