HUGMYND DAGSINS:
Er að flýja ríkið. Einhvers staðar segir að ríkið sé óumflyjanlegt, en það væri vel hægt að reyna. Fara nokkur saman á eyju úti á ballarhafi og vera þar í svona 1-2 ár. Hugmyndin felur í sér að við myndum vera þarna einungis fyrir það að lifa af og hafa ofan í okkur, við þurfum ekkert á okkur vegna þess að það mun vera heitt þarna :) Eyjan verður að vera frekar lítil, og þar verða að vaxa ávextir, það verður að vera foss með fersku vatni og nóg af trjám til þess að byggja eitthvað sniðugt. Síðan munum við vera þarna, án afskipa ríkissins. Ef að við slösum okkur þá verðum við bara að redda okkur.
Það fólk sem er velkomið með:
Allir einhleypir og barnlausir
Lækanemar 3-4 ári(nauðsynlegt)
Sálfræðinemar helst á 3 ári (nauðsynlegt)
Stjórnmálafræðinemar (til að gera seinna BA verkefni um þetta)
Laxveiðimaður
Smiður
.....og svo allir þeir sem telja sig geta lifað í kommúnu í sátt og samlyndi á eyju þar sem ekkert ríki stjórnar, og fólk sem ekki þjáist af heimþrá á háu stigi.

Svo getum við náttúrulega bara keypt okkur eyju, þessar eru til sölu á súper prís : skoðið

|

BURTU MEÐ BUSH

Knud félagi minn í Unge venstre í Noregi er að gera góða hluti í landi nágranna okkar. Þar er hann búin að koma upp síðu þar sem hægt er að skrá sig, ef að fólk vill lýsa andúð sinni á Bush Bandaríkjaforseta. Í dag er m.a. vitnað í hann á Wall street journal, þar sem segir:

"Several European politicians are coming together in an effort to throw [President] Bush out of office, on 'behalf of Europe and the world,' " Norway's Nettavisen reports. But the network is able to name only one pol involved in the effort: Knud Berthelsen, "the former vice president of the Young Liberals in Norway." Even the former president and the current vice president apparently are sitting this one out.

Nettavisen quotes Berthelsen as saying: "We cannot just sit back and watch Bush destroy the whole world. If there is only one political issue that we all agree on in Europe, it's this one." So far as we know, the Kerry campaign has not yet disavowed Berthelsen's implicit endorsement.

Ég styð þetta heilshugar enda náunginn alvarlega að ógna heimsfriði sitji hann lengur.

Hægt er að sjá tilvitnunina á:
Wall Street Journal
og hægt er að skrá sig hér

|

EIN VILLA


ÞESSAR ELSKUR

|

CELEB LOOKALIKE

Fann þessa mynd á snilldarsíðu þar sem hægt er að sjá svona celebs lookalikes...........Algjör snilld, það sem þessum könum dettur í hug. Reyndar var Justin með þeim skárri, Beckham og Jonny Depp líka.

Þetta er slóðin:

www.splitting-images.com

|

HVER ER MUNURINN?

Q: Hver er munurinn á kærustu og eiginkonu?
A: 20 kg

Q: Hver er munurinn á kærasta og eiginmanni?
A: 45 mínútur...

Q: Hvað kallast það þegar að karlmaður klæmist við kvenmann?
A: Kynferðisleg áreitni

Q: Hvað kallast það þegar að kvenmaður klæmist við karlmann?
A: 66.50 á mínútuna...

Q: Hvernig tekurðu eftir því að konan þín er dáin?
A: Kynlífið er eins en uppvaskið safnast upp.

Q: HVernig tekurðu eftir því að maðurinn þinn er dáinn?
A: Kynlífið er eins en þú færð að hafa fjarstýringuna.

Q: Hvað þarf marga menn til þess að skipta um ljósaperu?
A: Enga, þeir sitja bara í myrkrinu og kvarta.

Q. Hvað eiga menn og gólfefni sameiginlegt?
A. Ef þú leggur þá nógu vel fyrst þá geturðu þrammað á þeim allt þitt
líf.

Q. Af hverju er svona erfitt fyrir konur að finna hlýja, rómantíska og
tilfinninganæma menn?
A. Vegna þess að þeir eiga allir kærasta...

Q. Vitið afhverju konur feika fullnægingu??
A. Vegna þess að menn feika forleik.

Q. Hvað fær menn til þess að hundelta konur sem þeir hafa ekki einu
sinni í hyggju að giftast?
A. Af sömu ástæðum og hundar elta bíla þó að þeir hafi ekki í hyggju að
keyra þeim.

Q. Af hverju fara menn frekar í sturtu heldur en bað?
A. Vegna þess að það er ógeðslegt að pissa í bað....

Q. Veistu hver refsingin við tvíkvæni er?
A. Tvær tengdamömmur....

Ég hefði samt ekki getað svarað þessu svona vel!! hahahha, nema ég hefði fengið upplestrarfrí :)

|

HANNES ER ORÐINN GÓÐUR AFTUR.........
En alls ekki ágætur vegna þess að það er besta einkunn og hana fær kauði ekki. Ég og Kolla fórum í það að senda honum meil um það hvort við mættum kíkja til hans og ræða aðeins við hann. Hann svaraði því að hann væri mjög busy og yrði ekki við fyrr en eftir klst, eða klukkan 16 og við ættum bara að hringja á undan okkur. En málið var samt það að það vara allan tímann kveikt og opnir gluggar á skrifstofu hans og hann fer aldrei út af henni nema að slökkva og loka glugganum, og hann sagðist vera á fundi úti í bæ!! Ok kannski gleymdi hann því. En eftir að við höfðum farið til hans og ég hringt á undan þá snérum við sáttar aftur upp á 3.hæd og fórum að lesa bækurnar hans! (hann er alltaf að kvarta yfir því að fólk lesi ekki bækurnar sínar) En hann var góður þarna og gott ef að ég gefi honum ekki bara 2 og 1/2 drulluköku, þá aðallega fyrir það að leyfa okkur að senda honum meil um að fara yfir prófið okkar fyrir lokaprófið, (ef að okkur gekk það illa) þannig að við vitum hvort að það sé fræðilegur..........

|

Mér finnst Hannes Hólmsteinn leiðinlegur í dag.......ég er ekki í tíma hjá honum núna er var það í gær. Og hann var leiðinlegur þá, og pirraður. Stundum er hann ágætur og líka skemmtilegur og líka skrítinn á köflum, en í gær var hann leiðinlegur og hann er það ennþá í dag. En að sjálfsögðu hendi ég ekki svona fullyrðingu bara fram í gamni mínu. Þannig er mál með vexti að skv. kennsluskrá er prófið 50% og svo eru 2 ritgerðir sem eiga að gilda 50%, allt í lagi með það. Svo hefst önnin og við fengum enga kennsluáætlun (eins og ég er búin að fá í öllum kúrsum sem ég hef tekið í HÍ) Þegar það er komið fram í mars bólar ekkert á ritgerðarefnum, þangað til einhver vogar sér að spyrja hann. Þá segir hann víst (var ekki í tímanum) já, þið viljið gera ritgerð. Það verður tímaritgerð eftir viku, eða svona nokkurs konar próf. Allt í lagi með það, en rólegur á fyrirvaranum! Eftir mikið kvart og klag ákvað hann að fresta því og gefa okkur annan kost, sem er skv kennsluskrá, 2 ritgerðir, annari eigum við að skila 26.mars sem er á sama tíma og tímaritgerðin og svo á mánudeginum 29.mars. Ég ætla klárlega að fara í þetta ritgerðarpróf. Svo í gær, þegar hann varð leiðinlegur segir hann okkur að hann ætli ekkert að fara yfir ritgerðirnar og prófin fyrr en eftir lokaprófið, vegna þess að hann ætlar að sjá hvort við náum, og ef að við náum ekki, þá ætlar hann ekki að eyða tímanum sínum í það að vera að fara yfir ritgerðir og tímaprófið!!! Halló! Þetta eru hvoru tveggja 50% og ef að við náum ekki þessu ritgerðum ekki þá erum við hvort eð er fallinn!! Gaman að vera að lesa og lesa og lesa fyrir lokaprófið og svo er maður bara að því til einskins, við erum hvort eð er fallinn. En svona er kallinn í hnotskurn, passar sig á því að eyða ekki óþarfa púðri í eitthvað sem ekki er þess virði að vera að gera!! Hvað er maðurinn að gera í kennslu?, með fullri virðingu fyrir manninum, það er yfirleitt mjög gaman í tímum hjá honum og hann veit svoleiðis hafsjó um allt og allt, en kommon. Allt í lagi að vera pínu sanngjarn. Ég er ennþá svo pirruð og mér finnst hann ennþá leiðinlegur í dag og ég veit ekki hvar þessi maður á heima! (sama hversu vel ég les bókina hans)...........og hann verður örugglega leiðinlegur þangað til í vor, þegar ég fæ 8 :D, þá verður hann ágætur aftur

|

ORMAR, KÚTMAGI OG ÁRSHÁTÍÐ

Allan fimmtudaginn vann ég við það að hreinsa og fylla kútmaga, en fyrir þá sem ekki eru kunnugir heitinu þá er þetta maginn úr fiskinum. Hann er tekinn og honum snúið við, síðan eru sinar og hringormar hreinsað í burtu og maganum snúið við aftur. Ormana hreinsar maður með flísatöng, það sem maður getur, en stundum er einn og einn alltaf eftir. Síðan fylltum við þetta með lifrafyllingu, en það er fiski-lifur, rúgmjöl, mjólk og salt. Þessu sprautuðum við svo í 800 stk maga. Þetta tók ekki nema 12 klst og var "mjög gaman". Kútmagakvöld er árlegur viðburður í Grindjánaborg og þá koma saman 250 karlmenn og borða á sig gat af kútmögum, hringormum, hákarli, skötu og fleiru góðgæti úr hafdjúpunum. Á föstudagskvöldinu sá ég svo um að færa þessum herramönnum eitthvað sem gott er að renna niður með ormum..........

Árshátíð og aðalfundur Vöku var í gær og tók við ný stjórn sem Ingunn Guðbrandsdóttir mun leiða. Árshátíðin var haldin í Skólabæ við Suðrgötuna og skemmtum við okkur konunglega við öll þau frábæru skemmtiatriði sem Vökuliðar voru búnir að setja saman. Eftir það lá leiðin á Felix (sem er ágætur svo sem) og eftir nokkrar léttar sveiflur á gólfinu skelltum við okkur á bar bæjarins, The Celtic Cross og þar lauk næturbröltinu rúmlega 5. Eftir það röltum við á Kebab og tókum með okkur nesti heim..........og svo var mín vöknuð rúmlega 10 í morgun til að vinna verkefni í opinberri stjórnsýslu, núna er klukkan að ganga 16 og ég er ekki ennþá byrjuð!!

pilsen

|

MÓTMÆLUM SKÓLAGJÖLDUM!!
Núna er í gangi undirskriftalisti í öllum byggingum Háskólans þar sem þeir sem eru andvígir skólagjöldum eru beðnir um að skrifa nafnið sitt og kennitölu. Þessum listum munum við svo safna saman og leggja fyrir háskólafund sem fram fer 22.mars þar sem ákveðið verður hvort veita eigi menntamálaráðherra heimild til þess að leyfa Háskóla Íslands að innheimta skólagjöld, síðan verður að taka þetta fyrir á þinginu. En með þessu viljum við sýna fram á að við erum á móti því að jafnrétti okkar til náms verði skert með þessum hætti!

Svo er ég mjög ósátt við það að núna verðum við að fara að borga skráningargjöldin um leið og við skráum okkur í skólnann eða í næstu viku, þetta hefur alltaf verið þannig að hægt hefur verið að borga þau í júní (þegar maður er komin með smá penge) en núna er bara ákveðið að við skulum gjöra svo vel að borga strax!! Þó svo þetta sé lagalega leyfilegt þá verður nú að taka smá tillit til þeirra sem ekkert eru að vinna með skólanum! Par sem stundar háskólanám verður að punga út 70 þúsund krónum á stundinni! Þetta var eiginlega ekki á það bætandi, eftir allar umræðurnar um skólagjöldin!

|

LOKSINS KOM GOTT VEÐUR!!
Það hefur aldeilis lifnað við landanum í dag, alla vegana hérna í Reykjavík. Eftir leiðindaveður svo vikum skiptir er loksins farið að rofa til. Ég skelltir mér í hlaupa-göngutúr, átti reyndar bara að vera hlaup en þegar mín var lögð af stað kom í ljós að þolið sem ég hafði eitt sinn (fyrir langa löngu) byggt upp, var hrunið til grunna nánast. En ég tók samt sem áður klukkutíma túr í kringum Vatnsmýrina, fór meðfram Ægissíðunni og upp að Perlu, framhjá Loftleiðum og svo niður hjá BSÍ og framhjá Öskju (nýja náttúrufræðihúsinu) og síðan framhjá Ísl. erfðagreiningu og skellti mér loks inn í 1011 til þess að lesa blöðin (ekki fæ ég Fréttablaðið lengur......nema um helgar) Og ég hugsa alltaf með mér þegar ég er búin að taka svona slurk, "af hverju gerir maður þetta ekki oftar?" Sæluvíman sem situr eftir í líkamanum þegar maður er búin að taka á því er þvílík, líka ódýrari og heilsusamlegri en einhver önnur víma.............En nóg um ræktina..........ég var að tala um það áðan hvað það lifnar yfir fólki þegar vel viðrar, allt fólkið sem ég mætti var skælborsandi út að eyrum, annað hvort á hjóli, línuskautum eða á rölti með barnavagninn! Ég stend engu að síður klár á því að það hefur helling með andlega líðan að gera hvernig veðrið er..........þó svo mér finnist það mjög kósý að liggja undir sæng og horfa á góða bíómynd þegar það er blindbylur úti ;)

|

Libertarian - You believe that the main use for
government is for some people to lord it over
others at their expense. You maintain that the
government should be as small as possible, and
that civil liberties, "victimless
crimes", and gun ownership should be basic
rights. You probably are OK with capitalism.
Your historical role model is Thomas Jefferson.


Which political sterotype are you?
brought to you by Quizilla

sá þetta próf á síðunni hjá Agga, sem kom út sem Hitler...........en þetta er nú ekki í raun og veru ég.......ég fékk "GREEN" fyrst, en tók svo prófið með það að markmiði að fá eitthvað allt annað.........Tommi kallinn

|

ákvað að skella inn nýrri könnun enda ég og flestir örugglega orðnir hundleiðir á þessari gömlu, kann ekki að birta niðurstöðurnar, kannski er það automatískt, ef svo þá nenni ég bara ekki að bíða. Imagine vann enda snillingur þar á ferð. En kíkið á það sem er í boði núna! Mér finnst líka nota bene áhugaverðara að vita hvaða skoðun þið hafið á þessum málum, þó svo ég viti vel að gjöld ríkisútvarpsins falla aldrei með öllu niður þá væri þó hægt að breyta rukkunarforminu, t.d með því að fjármagna rekstur þess með fjárlögum............sem er ekki svo vitlaust

hilsen pilsen

|

Það hefur þó nokkuð drifið á daga mína seinnipart vikunnar. Fór á fyrsta stúdentaráðsfundinn á fimmtudag þar sem stjórnarskipti fóru fram. Ég verð í lánasjóðsnefnd auk þess sem ég er varamanneskja í stjórninni. Eftir fundinn fórum við á Vegamót til þess að skála fyrir frábærum meirihluta og fengum okkur líka að snæða þó svo ég hafi einungis fengið mér maís tortillaflögur (enda góðar með bjór). Eftir Vegamót var ferðinni haldið niður á Stúdentakjallara enda "happy hour" frá 20-22, og að sjálfsögðu nýttum við okkur það ;) Það áttum við ánægjulegar stundir og eftir því sem bjórunum fjölgaði urðu umræðurnar heitari, og ég og Borgar þrættum mikið um ákveðin mál er varða stefnu kennda við fiskkveiði. Á föstudagsmorgun vakaði ég snemma og mætti í stjórnmálaheimspekina til Hannesar en ákvað að skrópa í opinberri til þess að fara heim setja saman ræðu fyrir landsráðsþingið (skemmtilegt heiti) sem Frjálslyndi flokkurinn hélt á Hótel Loftleiðum á fös og lau. Þar flutti ég 10 mín ávarp á eftir formanninum Guðjóni. Síðan hittumst við í morgun og málefnavinnan hófst sem var mjög skemmtileg. Ég skráði mig í hópinn um utanríkismál og dómsmál það sem NATO, ESB, EES og fleira voru tekin fyrir. Núna er smá breik og ég er að spá í að leggja mig í svona klst áður en haldið verður niður í Aðalstræti þar sem ég mun hitta flokksfélagana og skála kannski í einum bjór eða svo fyrir vel heppnuðu málþingi!
Hilsen
didda mæs

|

Dagurinn hófst snemma þar sem við héldum í Flensborg klukkan 8.40. Þegar þangað var komið beið okkar fullur salur af áhugasömum nemendum um stjórnmál. Þarna voru 5 þingmenn og 5 ungliðar úr hverri hreyfingu. Þingmenn drógu sér mál til þess að ræða um og fékk Sigurjón lögleiðingu kannabisefna! Eftir flutning þingmannanna á málefnunum var komið að okkur ungliðunum að kynna okkar hreyfingar og gekk það bara vel. Eftir Flensborg fór ég upp í Odda til þess að læra smá áður en ég hélt á annan fund sem Vaka hélt í Lögbergi um forsetaembættið. Þar voru mættir Ástþór Magnússon, Svanur Kristjánsson, prófessor í stj.mála.fr og Borgþór ritstjóri Deiglunnar. Sá fundur var svo sem ágætur nema þegar spyrjendur og þeir sem sátu fyrir svörum voru beðnir að stytta mál sitt vegna tímaskorts þá hafði það þveröfug áhrif og Svanur kom með sögu forsetaembættissins frá upphafi! Eftir það fór ég upp á skrifstofu stúdentaráðs til þess að fá lykla af kosningamiðstöðinni sem við vorum með í baráttunni í síðasta mánuði til þess að ná í moppuna mína, en ég hef ekki sópað hjá mér í X langan tíma, Bryndís snúlla var svo elskuleg að skutla mér þangað en þegar þangað var komið greip ég tómt, annað hvort fékk sér einhver ókeypis moppu eða þá hefur hún verið flutt að Hólmaslóð, í Vökuheimilið! Vegna mánaðarlegrar magakveisu ákvað minns að skippa tíma í samanburðarstjórnmálum og skreið ég þess í stað undir sæng og svaf vært á meðan íbúfenið sá um að lina verkina. En nú rétt bráðum mun ég sækja þriðja fundinn minn í dag, vikulegur hittingur hjá frjálslyndum ungliðum þar sem endanleg sátt mun nást um nýmótaða stefnu í utanríkismálum!

Heppnin var líka með þeim sem áttu leið um Odda í dag, en þar voru starfsmenn Kötlu að gefa pönnuköku-, vöflu- og skúffukökumix ásamt því að við fengum líka þeyttan jurtarrjóma í þrýstibrúsa! Nú er bara að skella sér suður í Grindavíkina sem fyrst og fá afnot af vöflujárninu og pönnukökupönnunni hennar moms!...............Mama I coming home, Because I miss you all :)

|

Þar sem ég er að fara á miðvikudaginn í Flensborg ásamt ágætum þingmanni okkar að ræða ýmis mál þótti mér tilefni til þess að birta þessa grein sem ég fann á netinu. En hún snýr einmitt að einum þeim málaflokki sem verður til umræðu í skólanum en það er lögleiðing kannabisefna. Sjálf er ég á móti efnunum en ef það er rétt að sígarettur eru álíka skaðlegar og hass eða maríúana þá má alveg fara að endurskoða lögin. En hér kemur greinin:

"Bandaríski hagfræðingurinn og Nóbelsverðlaunahafinn Milton Friedman álítur að lögleiða beri allar gerðir forboðinna vímuefna. Í Bandaríkjunum hefur þessi stefna átt vaxandi gengi að fagna. Nýleg könnun á viðhorfum 450 dómara, saksóknara og dómsmálaráðherra fylkja leiddi í ljós að 95% þeirra líta svo á að endurskoða beri fíkniefnalöggjöfina. Til að mótmæla núgildandi lögum hafa sjötíu og þrír alríkisdómarar beinlínis neitað að dæma í málum sem varða brot á lögum um fíkniefni."

"Á síðustu árum hefur umræða um fíkniefni og sölu þeirra breyst töluvert og virðist vera mikil sveifla í þá átt að gefa sölu kannabisefna frjálsa. Árið 1991 komst þingnefnd Evrópusambandsins að þeirri niðurstöðu að lítið magn fíkniefna til einkanota ætti ekki lengur að varða við lög. Í leiðara sem birtist á sínum tíma í breska tímaritinu The Economist mælir höfundur eindregið með því að lögleiða fíkniefni og setja sölu þeirra undir stjórn opinberra aðila. Höfundur greinarinnar líkir maríúana við te og segir: ,,bæði efnin breyta skapferli þess sem neytir, bæði eru álitin hættulítil og bæði valda þau fíkn." Höfundur bendir einnig á að bæði tóbak og kókaín séu hættuleg efni. Neysla tóbaks veldur dauða fjölda manna ár hvert, samt sem áður er tóbak löglegt víðast hvar, á meðan fólk er sett undir lás og slá fyrir að hafa kókaín undir höndum. Höfundur telur að margt mundi vinnast með því að koma lögum yfir sölu fíkniefna. Lögleiðing fíkniefna mundi hnekkja veldi glæpamanna og fækka glæpum. Skattar kæmu inn vegna löglegrar sölu fíkniefna og eftirlit yrði haft með gæðum og hreinleika efnanna. Vandamál sem fylgja misnotkun fíkniefna yrðu meðfærilegri, enda gerir núverandi stjórnaraðferð illt verra, bæði fyrir neytandann og samfélagið í heild. "

Ég skal ekki segja.......en þó er kannski í lagi að opna umræðuna um þetta þó svo ég sé ennþá jafnmikið á móti fíkniefnum og þá á ég líka við sígarettur. Og frekar efins um að þetta verði raunin ef að til lögleiðingar kemur.

|

Búin að eiga ágætis helgi. Fór á Pravda á föstudagskvöldið, Politica var með myndakvöld og loksins gafst mannskapnum tækifæri á að sjá hið frábæra skemmtiatriði 1.árs nema sem klikkaði í sýningu á árshátíðinni. Að sjálfsögðu var bjór í boði fyrir gesti og Kristín sem var búin að ákveða að vera ekkert að fá sér féll í freistni og fékk sér nokkra. Eftir góðar stundir á Pravda í góðum félagsskap var leiðinni haldið á Leikhúskjallarann. Mikið var um dýrðir á þeim staðnum enda heimspekideild að hala sína árshátíð. Þar tjúttðum við á milli þess sem við héngum á barnum og skelltum í okkur "Lemon drop" (sjá útskýringu í "week´s best") Eftir um klukkustundar veru á kjallaranum var stefnan tekin á skemmtilegasta stað bæjarins, Celtic Cross. Þar lauk skemmtuninni undir morgun við ljúfa tóna Bubba Morthens.

Í gær gerði ég mest lítið, var í rúminu til 18.00 og borðaði fyrstu máltíðina um kvöldmat. En ég og Steinunn skelltum okkur í göngutúr um miðnætti í gær, hún var búin að tilkynna mér að það væri ferlega gott veður síðan þegar við komum út var komið þokkalegasta rok og þegar við svo héldum heim á leið var komið leiðindaveður. Núna er minns að spá í að reyna að gera eitthvað af viti, taka aðeins til, þvo nokkrar vélar og lesa svo í opinberri stjórnsýslu.

Hilsen folks!

|

Ég verð nú bara að lýsa andúð minni á forseta Bandaríkjanna. Fyrir það fyrsta þá hefur maðurinn aldrei verið í mínu uppáhaldi enda hefur hann ekki gert neitt til þess að vinna sér þá málsbót inn. Nýjasta dæmið er auglýsingin sem hann ætlar að nota í kosningaherferð sinni í nóvember sem verður á móti John Kerry, klárlega. Bush var víst búinn að lofa því að nota ekki þá atburði sem gerðust 11.september 2001 í baráttunni en allt kom fyrir ekki. Auglýsingin sem er svona 30 sek á lengd inniheldur þann hræðilega atburð sem átti sér stað fyrir tæpum 3 árum. "A day of tragdedy" Þar sjást þessir atburðir í mynd, svo kemur "A test for Americans" Eins og Bush hafi staðið það próf af sér með sóma! Ég meina það, er mönnum ekkert heilagt? "Rising to the challange" My ass. Ég er svo handviss um það að Kerry eigi eftir að vinna þessar kosningar og ég vona að þeir sem búa í USA og hafa rétt til þess að kjósa sjái að Bush er langt frá því að vera hæfur til þess að vera forseti eða stjórna nokkrum sköpuðum hlut.
Ég skil vel að fólk skuli vera ósátt, sérstaklega þegar fórnarlömb þessarar árása eru notuð sem auglýsingarvara. What is the world coming to?.......Æi ég veit ekki, ég er bara svo ósátt við manninn og vona svo heitt og innilega að Kerry sigri án þess að ég viti kannski nákvæmlega hvernig maðurinn er, en utanríkisstefnur Demókrata hafa yfirleitt verið mun friðsamlegri en rauðu djöflanna! nei smá grín. Hvað gerði ekki Clinton, hélt Ísraels og Palestínumönnum við samningaborðið og svo tekur Bus við þá er fjandinn laus. Ég held að það verði öllum heiminum til tekna ef að Bush fari bara að gera eitthvað annað, skrifa bók bara, hvað það er skemmtilegt að vera minnst sem Anti-krists, sem kom fram á 21 öldinni eins og Nostradamus spáði fyrir. Annars væri ég líka alveg til í að Hillary Clinton yrði bara varaforseti, það eru töggur í kellu.

Að lokum vil ég bara lýsa yfir ánægju minni með háskólarektor að það skuli verða kennt táknmál næsta vetur, það verður allavegana þeim heyrna- og mállausu til tekna!

|

Ég sá á síðunni hans Agga að hann er með svona vote-dæmi.......fannst það sniðugt og ákvað að herma! Þetta er ferlega sniðugt og ég hvet alla sem lesa þetta að kjósa besta lagið af þeim sem í boði eru. Mér finnst þetta allt góð lög en veit að þetta endurspeglar kannski ekki álit allra. Anyway..........very easy to make ;)

|

Ég fer að slá íslandsmet í fundarsetu! Ef að ég er ekki þegar búin að slá það. Það er mikið búið að vera að gera hjá minni síðustu daga. Stúdentaráðsliðar Vöku eru búnir að vera að koma saman og ræða næsta starfsár, svo er mikið um að vera hjá okkur í UF og svo er það náttúrulega skúlen..........er að vinna að verkefni í opinberri stjórnsýslu um það hvort það sé farsælt að kjósa dómara í embætti.

Ég var annars á mjög svo fjörugum fundi áðan hjá UF. Við vorum að ræða utanríkismálin, en síðast ræddum við NATO og í kvöld var það EES og ESB. Ég er persónulega á móti því að við göngum inn núna. Ég er ekki tilbúin að sjá okkur afsala okkur fullveldi okkar og að hlutunum sé stjórnað frá Brussel. Svo finnst mér mikilvægt að við höldum fullum yfirráðum yfir fiskimiðum okkar. En nóg um ESB......í bili.

Pepsí eru búnir að gera MASSA auglýsingu sem ég sá sýnda á popp tv áðan. Og ekki spurning að karlpeningurinn á ekki eftir að geta haldið vatni yfir henni. En hún er svona í anda Gladiator. Þarna koma Pink, Britney og Beoncé léttklæddar í einhvers konar skylmingar-"outfitti", þær labba inn í hringinn þar sem þrælarnir voru látnir koma inn í til að berjast. Svo er Enrique Iglesias keisarinn sem er að fylgjast með. Svo fara þær allar að syngja "We will rock you" þangað til að pepsíið dettur af pallinum. Ég bjóst alltaf við að heyra línu frá kauða en allt kom fyrir ekki.........enda kannski ekki skrítið, kann maðurinn nokkuð að syngja?

En þetta er komið gott í bili, Paradise Hotel er að byrja, ég verð að fylgjast með því svo ég geti verið með í umræðunum í skólanum á morgun!

|

Rakst enn og aftur á eitthvað próf, nema hvað að þetta er mjög forvitnilegt. Þetta er próf Kærleiksbjarnanna! Þeir voru einmitt í uppáhaldi hjá minni í dentíð! Er ekki viss um að Slúbert sé möguleiki í þessu prófi eða Illugi, en aldrei að vita! En þetta er ég:


Raver Bear


Which Dysfunctional Care Bear Are You?
brought to you by Quizilla

|

Það er kominn MARS!!

Það er alveg með ólíkindum hvað þetta blogg getur tekið mann heljartökum! Þetta er eins og ópíum! Helgin mín fór ekki í það sem ég ætlaði með að nota hana í.......ég ætlaði að lesa en fór í staðinn að búa til nýtt blogg. Það hefur staðið lengi til að fara úr þessu gamla og leiðinlega "lúkki" yfir í eitthvað meira "pró", ég fylltist metnaði þegar ég sá síðuna hans Agga, en hann hannaði hana reyndar alveg sjálfur. Ég er reyndar búin að læra alveg ótrúlega mikið á þessi HTML skjöl og líka að búa til myndasíðu sem ég hafði ímyndað mér að væri alveg stórkostlegt mál að gera..........kom svo ekki bara í ljós að þetta er auðveldara en allt.......nema ég sé bara svona klár. En ennþá vantar mig að verða mér úti um digital myndavél, þannig að ef það er einhver þarna úti sem veit um ódýra (má vera notuð) myndavél þá endilega að láta Kristínu Maríu vita! Annars er skemmtst frá því að segja að það er búið að draga (að ég held) í Egils kristals leiknum sem Ölgerðin stóð fyrir, ég safnaði auðvitað 10 töppum og brunaði svo á síðustu stundu með þá upp á Grjótháls (takk Helgi) og var alltaf frekar bjartsýn á að vinna skíðaferðina til Ítalíu. En allt kom fyrir ekki, ég fékk enga símhringingu í gær og svo hef ég hvergi séð auglýst hverjir það voru sem að unnu. Ég tók mig því til þegar ég var á síðunni þeirra að spyrja bara......þarna var líknkur sem á stóð "hafði samband" og ég bara gerði það, spurði einfaldlega bara hvort það væri búið að draga og hvar ég gæt séð það hverjir hvefðu unnið! Ég meina þeir gætu allt eins bara verið að plata!! Ég að hamast við að safna töppum og svo var það kannski bara til einskis, vegna þess að það var ekkert dregið! Nei, svona öllu gríni sleppt þá ættu þeir nú að vera búnir að setja nöfn þeirra sem dregnir voru út á síðuna!

Það sem er svo næst á dagskrá hjá mér er verkefni í opinberri sem ber yfirskriftina "er farsælt að kjósa dómara í embætti?" Síðasta verkefni var um vændi og fór ég í það að tala bara um eitthvað allt annað en það sem verið var að spyrja um.......það varð líka til þess að ég fékk ekki 10 í einkunn! En svo fer að koma að því að stjórnarskipti verði í stúdentaráði og hlakka ég mikið til þess að starfa í ráðinu, og ef þið skólasnúllar hafið yfir einhverju að kvarta í sambandi við skólann þá vitið þið hvert þið eigið að leita ;)

Ég las það frá honum Hjörvari að hann þyrstir í að heyra eitthvað slúður.......mér er það ekki í blóði borið að slúðra........mér finnst slúður vera eitthvað neikvætt en ég get hins vegar farið í það að segja skemmtilegar og uppbyggilegar sögur af hinum og þessum. Það er náttúrulega allt annað mál. En ég ætla að hugsa eitthvað sniðugt til að skrifa næst, núna ætla ég hins vegar að hjóla út í Odda í rokrassgatinu og hitta hitt liðið og fara að gera eitthvað að viti, ég er búin að komast að því að ef að ég er hérna heima hjá mér þá geri ég akkúrat ekkert!!.......(að viti)
Að lokum ætla ég að láta fylgja með málshátt sem snýst einmitt um það að slúðra!!

Málsháttur 1:
Sá sem talar illa um aðra, þegar þú ert nærri, talar illa um þig, þegar þú ert fjarri.

Málsháttur 2:
Upplognar gróusögur eru vopnin, sem dvergarnir grípa til þess að fella risana.

Ég kem með slúðrið hjörvar um leið og ég frétti eitthvað ;)
Ég er ekki viss um að slúður sé svona rosalega neikvætt en mér finnst það bara á orðinu. Tala frekar um skemmtilegar sögur sem eru ekki til þess fallnar að gera lítið úr þeim sem um er rætt!

hilsen

|